樂意點心

营业中

休息中

朋友喺尖沙咀上班, 介绍我有间好抵食又高质嘅点心餐厅. 今日去开尖沙咀, 顺路试下先. 6:300pm 已经有人攞飞等紧位. 好好彩等左阵就有位. 原来餐厅有做下午茶15:00-18:00 时段88折. 刚好呢一轮埋单. 仲好好彩有卡位坐舒服.  餐厅虽然系小店但环境干净舒适！ 有卡位坐就更加分啦。叫左个白桃乌龙茶几香几好饮. 越式米网炸两肠  用肠粉包住米网，内里再包住大大粒虾，一啖又3重口感好好食. 比起包油炸鬼嘅炸两更好食. 芥末鹌鹑蛋烧卖  /2 件卖相好特别 绿色皮, 真系有芥末嘅微辣，包住鹌鹑蛋同猪肉, 爽滑食落更开胃麻辣牛柏叶 唔数好辣但好入味. 个川麻味几惹味. 牛柏叶好爽口一咬就断. 沙律蟹柳春卷 - 呢个真系有惊喜,  超酥脆春卷皮包住满满蟹肉沙律馅料 ,个沙律酱又多一口咬下, 又脆又清新可口, 必食之选!笼仔蒜蓉龙虾配带子饭（半只）半只龙虾满满嘅蒜蓉入面重有虾膏！肉质实净弹牙鲜甜，饭中仲藏左好几粒带子真系啖啖肉 ！ 笼仔饭系呢度其中一个招牌菜式  ，  龙虾带子的鲜味加埋个蒜蓉捞饭真系一流！ 杨枝甘露 系杯装上几方便可以攞住饮， 好足料， 用呢个甜品作结好完满。