影片
更多
2022-10-05
19 浏览
放完红日又返工总系Blue Blue day，一于去食好西解千愁🤪 系男朋友放工附近揾咗间门面好靓既日式餐厅，专食丼饭。我地各叫左一个丼，再加小食同饮品。丼饭既肉量有得拣大细份量，我哋梗系有大食大🤪啲丼饭卖相超靓！附送嘅面豉汤唔似一般日本餐厅饮到𠮶啲淡茂茂咁，而系好浓味既汤！慢煮顶级牛肉盛丼 200g （$118）餐厅用咗后比较瘦嘅部位，有埋蛋黄酱一啲都唔肥腻，唔肥腻得来食落去又好嫩口！好有质素！好似系日本食紧牛咁🤣 好对得住个价钱慢煮黑豚盛丼200g （$118）黑豚都系嫩得黎唔油，食落有啲似cold cut既Ham，当然系热既同埋浓味版本。值得一赞嘅位系，一拎开啲肉，个饭仲系热嘅，见到有烟出！捞埋啲蛋黄，好正！盐烧三文鱼头（$58）好少地方有得食烧三文鱼头，亦都强烈建议带一个识得拆骨嘅人去食🤣 因为识食，一个头真系可以食到好多嘢，包括面珠灯、最少郁最滑既肉etc。盐烧好好食👍🏻 餐厅仲好贴心咁俾咗骨碟。热紫薯鲜奶 + 玫瑰荔枝梳打（ +$22跟餐，特饭+$18）两杯饮品反而好有惊喜！因为丼饭本身都有一定期望，所以丼饭同预期一样高质都无话好惊喜。而饮品本身谂住都系打卡用，估唔到咁好饮
放完红日又返工总系Blue Blue day，一于去食好西解千愁🤪
系男朋友放工附近揾咗间门面好靓既日式餐厅，专食丼饭。我地各叫左一个丼，再加小食同饮品。
丼饭既肉量有得拣大细份量，我哋梗系有大食大🤪啲丼饭卖相超靓！附送嘅面豉汤唔似一般日本餐厅饮到𠮶啲淡茂茂咁，而系好浓味既汤！
慢煮顶级牛肉盛丼 200g （$118）
餐厅用咗后比较瘦嘅部位，有埋蛋黄酱一啲都唔肥腻，唔肥腻得来食落去又好嫩口！好有质素！好似系日本食紧牛咁🤣 好对得住个价钱
慢煮黑豚盛丼200g （$118）
黑豚都系嫩得黎唔油，食落有啲似cold cut既Ham，当然系热既同埋浓味版本。值得一赞嘅位系，一拎开啲肉，个饭仲系热嘅，见到有烟出！捞埋啲蛋黄，好正！
盐烧三文鱼头（$58）
好少地方有得食烧三文鱼头，亦都强烈建议带一个识得拆骨嘅人去食🤣 因为识食，一个头真系可以食到好多嘢，包括面珠灯、最少郁最滑既肉etc。盐烧好好食👍🏻 餐厅仲好贴心咁俾咗骨碟。
热紫薯鲜奶 + 玫瑰荔枝梳打（ +$22跟餐，特饭+$18）
两杯饮品反而好有惊喜！因为丼饭本身都有一定期望，所以丼饭同预期一样高质都无话好惊喜。
而饮品本身谂住都系打卡用，估唔到咁好饮，紫薯打得好smooth，而两杯饮品分别有荔枝肉/紫薯系底！好足料又好饮，打卡又靓，好值得试！
食好西食到超饱，一扫Blue心情🤪
张贴
