Anytime Catering

营业中

休息中

天后一间法国私房菜，餐厅环境布置似出租厨房，我地今晚食左个6 course既晚餐。Welcome Bite系玫瑰醋蕃茄，加上白酒啫喱，酸酸甜甜味道几清新好开胃。牛油果蟹肉卷牛油果蟹肉卷配上北海道海胆加埋海胆汁，入口好有层次感，配搭得好好。法式洋葱汤法式洋葱汤配左片巴马臣芝士，用左半个洋葱壳黎装个汤几特别，焦糖色的洋葱汤香浓无比，芝士烧得金黄香脆。鱿鱼刺身面配水煮鱿鱼用鱿鱼刺身切条做左个面，上面再加上比较幼的水煮鱿鱼，加埋个aglio olio soy sauce味道唔错。香煎西班牙猪鞍扒西兰花加左辣汁同蜜糖，味道偏甜，猪鞍扒熟嘅程度啱啱好，而且肥瘦适中，好有咬口亦唔会过熟。鹅肝多士鹅肝煎得外脆甘香，加埋块多士卜卜脆，香口又好味！士多啤梨摩丝蛋糕士多啤梨果酱配士多啤梨雪葩，配搭非常唔错。