影片
更多
2020-07-26
2172 浏览
今晚收左工之后就做外卖女去买野食比娘亲, 娘亲话要食日本野于是小妹就search下附近有咩日本餐厅做外卖自取, 见到E间新开嘅廿一前好似唔错咁, 就去买嚟试下, 不过原来餐厅暂时只有外卖自取同只接荃湾区内嘅外送! 餐厅提供12款精选套餐, 包括有热食料理🍱🍜, 各式沙律🥗, 仲有自选四色鱼生丼🐟🍚, 额外加钱仲可以有埋饮品🥤同甜品🍰! 每样都好似几吸引咁, 最后小妹拣左一个和风吉列流心猪扒蛋包饭同一个烧三鲜配鳗鱼炒饭! 等候时间唔算好耐, 大约10至15分钟两个热辣辣嘅外卖就预备好😊烧三鲜配鳗鱼炒饭🦐🦑🍛一打开已经闻到鳗鱼汁嘅香甜味, 烧三鲜有带子, 虾同鱿鱼仔, 三鲜每样都有好几件, 份量几足, 炒饭粒粒分明, 口感烟韧, 鳗鱼粒都几多而且几大块! 和风吉列流心猪扒蛋包饭🐷🍳🧀🍛吉列猪扒几大块, 炸粉唔厚而且炸得几脆, 加埋流心芝士十分邪恶😈, 鸡蛋口感滑溜而且份量都算多, 饭底大致同鳗鱼饭一样, 调味岩岩好唔会太咸, 整体味道唔错!
烧三鲜配鳗鱼炒饭🦐🦑🍛
一打开已经闻到鳗鱼汁嘅香甜味, 烧三鲜有带子, 虾同鱿鱼仔, 三鲜每样都有好几件, 份量几足, 炒饭粒粒分明, 口感烟韧, 鳗鱼粒都几多而且几大块!
和风吉列流心猪扒蛋包饭🐷🍳🧀🍛
吉列猪扒几大块, 炸粉唔厚而且炸得几脆, 加埋流心芝士十分邪恶😈, 鸡蛋口感滑溜而且份量都算多, 饭底大致同鳗鱼饭一样, 调味岩岩好唔会太咸, 整体味道唔错!
张贴
