Fratelli Restaurant (已結業)

前天宝厨房喺骆驼漆搬咗过去骏业里，改咗名叫 Fratelli Restaurant，地方大咗，人就少咗😐，早前晚上咗去帮衬，成个场都系得三数枱客人。以前天宝最出名系 burger，嚟到新店，当然要试一试，叫咗个经典安格斯牛肉汉堡，随餐附送餐汤同薯条，另外加十八蚊追加南乳鸡槌三只。餐汤系西兰花汤，比较少见，唔算好 creamy，但食到西兰花蓉，感觉新鲜，唔错；主角汉堡包果然名不虚传，汉堡扒肉味浓，虽然其他配料只有芝士，蕃茄同生菜，但已经感觉滋味非常😋；至于追加嘅南乳鸡槌则有惊喜：南乳味比想像中强，咸咸香香，好食👍。另外又试咗松子青酱北海道带子意粉，青酱调味唔错，不过意粉略嫌唔够 al dente；带子外面煎得几香口，里面肉质仍能保持鲜甜，可惜只得两粒，唔系好够喉😂😂。