Green Waffle Diner (嘉咸街) (已搬遷) 新店位置

早排去完佢地铜锣湾分店，食物真系好出色。今晚决定转战中环多宝薯粒镬仔香肠、烟肉、牛肉粒、洋葱、蘑菇、炸薯粒、车打芝士… + 流心水煮蛋。老实讲，的确系几邪恶。但系系极端好食。全部食物非常配搭。将流心水煮蛋混合同食，无得输!炸鱼薯条一食发觉……哗！无得输！粉浆厚薄适中，非常脆，绝不油腻，鱼肉虽然只系 Sole, 但非常厚身，调味刚刚好。配埋他他酱，真系无得输。美式劲厚车打芝士镬仔通心粉表面金黄酥脆的芝士，再加上香浓的芝士酱汁，实在超邪恶又好味！火焰玉桂香蕉窝夫最期待嘅食物终于喺最后出场 – 招牌菜布鲁塞尔式窝夫。即叫即做，香脆无比。配合肉桂香蕉、云呢拿雪糕、加埋每张枱都有嘅枫叶糖浆…想唔好食都几难。