掌壽司 (已結業)

收工想揾个地方同同事聚下旧，然后去到观塘工厦揾嘢食。而家观塘工厦都多咗好多嘢食，喺地铁站附近，食过掌寿司几次，质素都非常唔错，环境非常舒服优雅。首先我哋拣咗一个二人套餐。上咗个前菜系人参果沙律。人参果好好食，好新鲜非常之健康好开胃。服务员态度好好然后再上左一个大刺身里面有三文鱼腩赤虾油甘鱼拖罗同两只非常新鲜嘅生蚝非常之鲜味然后再上咗寿司有池鱼寿司、带子寿司同海胆寿司就非常鲜甜美味。然后就上寿喜烧锅物。寿喜烧配菜亦都好多，有我最钟意嘅和牛同豚肉。肉类非常优质，然后配埋寿喜烧甜甜的锅底，系冬天食锅物最啱。锅物材料亦都非常之健康，有南瓜金针菇冬菇腐皮同粉丝食到非常之饱，和牛再配埋日本生鸡蛋液，非常之Creamy口感一流。然后盐烧花鱼，都相当唔错。之后就到好开心时刻，芝麻雪糕，做咗一个happy ending。