Oui Oui Bistro (已結業)

呢度菜式选择唔多，胜在食物质素高。先上咖啡Caramel latte甜度适中，泡沫绵滑，非常顺口。Dark roast 咖啡豆香, 奶味浓郁。Lobster Egg benedicts龙虾已脱壳，方便食用。有点炭烧风味，几大只，咸度配合英式面包一齐食刚刚好。英式面包一切落去就知道唔系来货，系自家制既，好松脆。中间 放满菠菜，上面当然系流心既水波蛋。酱汁唔系传统既荷兰酱，佢系唔带酸味，我好钟意。 All Day Breakfast我叫咗个All day breakfast，烟肉蛋卖相一流，面头上嘅香草、流心蛋黄配上煎烟肉好夹。薯角炸得好脆好香，条条都实心，食到薯仔香味而不带油嘅味道。肠仔肉味都够浓，配香草同蘑菇沙律，绝对唔会觉得腻。一定要赞嘅系个牛角包，口感松脆带非一般嘅牛油嘅香味，唔会有一种干嘅感觉，好食！整体两样All day breakfast，由摆碟到味道，都系超水准，食到清哂碟！