Are U Labeler

营业中

休息中

之前都有黎过何文田呢头食，觉得呢边d餐厅成日比到惊喜，而且旺角出都可以行到过去，行几步食好野一啲都唔过份，所以今日就约左我个fd去呢间cafe试下。入到去觉得个环境都几好几有feel，虽然地方唔算好大，但布置得好有圣诞气氛，室外都有得坐。首先黎既系卡邦尼意粉，望落已经觉得好足料，食落仲好钟意，佢唔似好多忌廉汁既creamy，个蛋黄酱整得好好，可以黏住啲意粉，调味几适中，除左烟肉仲有两种菇都好香滑。然后黎香辣蒜片鲜蟹肉意粉，意粉又索晒啲汁入晒味，少少辣，口感爽口又弹牙。食过好多其他餐厅既蟹肉意粉都系用罐头蟹肉，但食得出呢间应该用新鲜蟹肉，诚意十足。我地仲嗌左个小食，烟熏烧烤酱鸡翼，烟熏味同烧烤酱既味都好浓好重，鸡翼都算大只，肉质嫩滑，系唔错既选择。见佢有写字蛋糕，下次即刻想黎呢度同朋友庆祝生日。