V Court (已結業)

V Court系新纪元广场里面一个新开嘅美食广场，记得以前喺度返工时，哩个位系大家乐，虽然多人帮趁，但如果唔系落雨或赶时间唔想出去，大部份人都宁愿出去食唔想留喺度食颓饭。V Court嘅装修走明亮简洁路线，座位唔会太迫太局促，有多人圆枱、四人餐枱同面壁位。食客除左可以喺收银枱点餐，仲可以喺哩几部自助点餐机落餐，俾钱后等叫筹号就可以出去柜枱攞餐。哩度除左普通咖啡奶茶柠茶柠水，仲有好多款唔同嘅果汁同汽水，可以散买亦可以跟餐加钱换购。喺取餐柜枱附近亦有饮水机同洗手盘可以洗手，哩一点而家真系好重要呀！其中一边墙有自助调味吧，要几多自己拎，繁忙时间都唔怕要问职员拎。最贴心系靠窗吧枱位都有叉电设施，手机吕够电都可以边食饭边叉电，悭返唔少时间。瑶柱福建炒饭($70)中式午市套餐一至五会包热饮或中汤，由于我当日系周末，所以两款都会有，我加$6转左红豆冰。福建炒饭卖相几得，上面有红萝卜、西芹、火腿、虾同雹柱，茨汁足够，湿湿地几好食。中汤系粟米蛋花汤。普通罐头汤味道。大虾茄蓉意大利粉($67)意大利饭粉份量几多，上面有三只大虾，虾都几大只。意粉卖相冇福建炒饭咁吸引，不过茄蓉味都几突出，酸酸地几开胃。红典红