GREEN

之前已经嚟食过一次晚餐，因为餐点美味，又有free flow，所以今次再嚟，环境因为楼底比较高，所以冇压迫感，亦颇有情调☺️今次我哋系星期五，有龙虾生蚝四道菜晚餐，每位$598加一，有一头盘，一汤，一主菜，一甜品及无限畅饮😍餐包系芝士竹炭包超级好味，因为够热，而且内里嘅芝士好香同会牵丝，呢个我都refill咗🤭海鲜拼盘呢度系三人份量，分别有螺、龙虾、虾、长脚蟹同鲍鱼，全部都好新鲜好好味，食完海鲜拼盘都饱咗一大半🤣法式龙虾忌廉汤非常有龙虾鲜味，但系败笔系唔够热🥹炭烤加拿大龙虾伴阿根廷牛柳配红酒汁及蒜蓉牛油汁龙虾🦞好弹牙，好好食！但系牛柳比较冇牛味，同埋比较淋，略嫌普通，配菜薯条🍟同杂菜唔错朱古力慕丝好香浓朱古力味！仲有朱古力🍫脆脆增加口感👍🏻另外亦有free flow🍹可以拣红酒、白酒、气泡酒、精选鸡尾酒，如果唔饮酒嘅，都可以拣无酒精鸡尾酒、果汁、咖啡同茶，呢啲全部都系可以任饮㗎，亦可以随时转款，性价比非常高👍