影片
更多
2023-09-28
120 浏览
纪念日揾咗呢间位于ICC 101楼嘅fusion中菜fine dining庆祝，有好嘢食又有靓景睇😍我哋试咗tasting menu，唔使惊选择困难😆一坐低就送上小食，有琥珀合桃、荞头、同埋蒜头渍物，边食边等上菜。前菜系法式XO酱蒜茸牛角包，牛角包酥脆配上惹味嘅XO酱劲香，再食埋脆脆芝士片，咸香咸香😋第一个头盘系时令白露笋清酒伴蛏子，蛏子爽脆爽脆😋，白芦笋清甜清甜，配上少少川式花椒味道嘅汤汁，味道清得来唔会寡。第二个头盘系金沙日本南瓜，南瓜沾上甘香嘅咸蛋黄炸得外层金黄香脆，外脆内粉糯👍🏻跟住就饮个炖汤，松茸螺头炖海参，汤头非常清甜，充满松茸香味，海参好厚肉， Q弹Q弹，充满骨胶原😍主食有香酥花胶伴香槟鱼子酱，第一次食咁样煮法嘅花胶，有啲似天妇罗式嘅花胶，外面一层薄薄嘅酥酥脆脆，里面系充满胶质嘅柔软花胶，沾上少少creamy嘅忌廉酱汁，再配上鲜味嘅鱼子酱，都唔错😋跟住到麒麟星斑球，呢度菜比较清淡，主要食东升斑嘅味道，配上火腿同埋冬菇，有少少咸香同埋冬菇嘅香味👍🏻然之后系壹零壹乳鸽，店员细心送上即弃手套同埋湿纸巾，唔使惊食到只手污糟。厨师亦都细心将乳鸽切成细件，咁就可以保持返啲仪态😆，慢慢
纪念日揾咗呢间位于ICC 101楼嘅fusion中菜fine dining庆祝，有好嘢食又有靓景睇😍我哋试咗tasting menu，唔使惊选择困难😆一坐低就送上小食，有琥珀合桃、荞头、同埋蒜头渍物，边食边等上菜。
前菜系法式XO酱蒜茸牛角包，牛角包酥脆配上惹味嘅XO酱劲香，再食埋脆脆芝士片，咸香咸香😋
第一个头盘系时令白露笋清酒伴蛏子，蛏子爽脆爽脆😋，白芦笋清甜清甜，配上少少川式花椒味道嘅汤汁，味道清得来唔会寡。
第二个头盘系金沙日本南瓜，南瓜沾上甘香嘅咸蛋黄炸得外层金黄香脆，外脆内粉糯👍🏻
跟住就饮个炖汤，松茸螺头炖海参，汤头非常清甜，充满松茸香味，海参好厚肉， Q弹Q弹，充满骨胶原😍
主食有香酥花胶伴香槟鱼子酱，第一次食咁样煮法嘅花胶，有啲似天妇罗式嘅花胶，外面一层薄薄嘅酥酥脆脆，里面系充满胶质嘅柔软花胶，沾上少少creamy嘅忌廉酱汁，再配上鲜味嘅鱼子酱，都唔错😋
跟住到麒麟星斑球，呢度菜比较清淡，主要食东升斑嘅味道，配上火腿同埋冬菇，有少少咸香同埋冬菇嘅香味👍🏻
然之后系壹零壹乳鸽，店员细心送上即弃手套同埋湿纸巾，唔使惊食到只手污糟。厨师亦都细心将乳鸽切成细件，咁就可以保持返啲仪态😆，慢慢食好滋味😋
云腿上汤浸菜远味道清清，可以清清油腻。
跟住到砂窝猪肉渣香葱饭，超级香，虽然材料只有简单嘅葱，少少瑶柱、同埋脆脆嘅猪油渣，但系真系好好食，猪油渣嘅威力好强大😆，个饭好滋味👍🏻
最后甜品系松露巧克力铁观音奶冻，朱古力味浓，奶冻滑滑，加埋啲开心果碎同埋薰衣草，又唔会好甜😋
张贴
