影片
更多
2023-05-01
12 浏览
🧑🏻🍳 介绍 呢间系主打手工啤嘅餐厅，环境气氛唔错，通常啲人都系人手一杯酒，再加一啲小食，而酒嘅选择多，大部份都系啤酒，除咗本地啤，仲有进口啤同其他酒，另外餐厅有提供board game ，除咗倾计，亦都可以玩下board game—————————————————————🍴 黑布茄牛意 ($89) 呢个好似一款黑色版嘅肉酱意粉，主要酱汁系以黑蒜制成，黑蒜香味重，比起普通蒜味更香，牛肉碎份量多而大旧，意粉煮得岩岩好，软硬程度适中，另外配料仲有车厘茄同鳀鱼作点缀，感觉特别新奇😋 美味指数: 8/10—————————————————————🍴 炸茜汉堡 ($148) 炸芫荽嘅份量极多，口感似芫荽味嘅紫菜，牛肉以本地屠宰嘅免治牛，煎至五成熟，口感好冧，而里面夹着流心车打芝士同牛白肉粒，而芝麻汉堡包入边搽上蒜蓉沙茶蛋黄酱，令味道升华😋 美味指数: 7/10—————————————————————🍴 炸鱿鱼圈 ($78) 即叫即炸嘅鱿鱼圈，最适合用来送酒，另外配上咸酸菜他他酱，系将切碎咗嘅酸菜混合他他酱，有中西合璧嘅感觉，酱汁酸味浓，好开胃😋 美味指数: 7/10—————————————
呢间系主打手工啤嘅餐厅，环境气氛唔错，通常啲人都系人手一杯酒，再加一啲小食，而酒嘅选择多，大部份都系啤酒，除咗本地啤，仲有进口啤同其他酒，另外餐厅有提供board game ，除咗倾计，亦都可以玩下board game
—————————————————————
🍴 黑布茄牛意 ($89)
呢个好似一款黑色版嘅肉酱意粉，主要酱汁系以黑蒜制成，黑蒜香味重，比起普通蒜味更香，牛肉碎份量多而大旧，意粉煮得岩岩好，软硬程度适中，另外配料仲有车厘茄同鳀鱼作点缀，感觉特别新奇
😋 美味指数: 8/10
—————————————————————
🍴 炸茜汉堡 ($148)
炸芫荽嘅份量极多，口感似芫荽味嘅紫菜，牛肉以本地屠宰嘅免治牛，煎至五成熟，口感好冧，而里面夹着流心车打芝士同牛白肉粒，而芝麻汉堡包入边搽上蒜蓉沙茶蛋黄酱，令味道升华
😋 美味指数: 7/10
—————————————————————
🍴 炸鱿鱼圈 ($78)
即叫即炸嘅鱿鱼圈，最适合用来送酒，另外配上咸酸菜他他酱，系将切碎咗嘅酸菜混合他他酱，有中西合璧嘅感觉，酱汁酸味浓，好开胃
😋 美味指数: 7/10
—————————————————————
🍴 卡津煎虾 ($78)
剥咗壳嘅煎虾以洋葱、青豆角、指天椒碎同卡津蒜蓉牛油煎成，闻落去同食落去都好重蒜蓉同牛油味，感觉似港式烧烤嘅蒜蓉酱，好惹味🦐
😋 美味指数: 8.5/10
—————————————————————
🍴 1842 island ($81)
酒厂 Young Master 少爷啤，酒精浓度: 8.0%，甘苦度 80 IBU，呢个系一款香港本地酒厂生产嘅啤酒，店员推介话如果想试啲苦味重嘅啤酒可以试呢款，一入口真系好苦，试多两啖习惯咗就试到只味，甘苦得来带点浓浓嘅麦味
😋 美味指数: 7/10
🍴 Old Rosie Cloudy Cider ($84)
酒厂Westons Cider，原产地England，酒精浓度: 7.3%，系一款英式传统且未经过滤嘅苹果酒，一开始以为系apple cider，饮落竟然系成人版嘅apple cider。味道系甘甜，不过唔系死甜，容易入口，饮落口唔重酒味，一啲都唔似7.3%酒精浓度嘅酒🍎
😋 美味指数: 9/10
张贴
