Oddies (已結業)

Oddies可谓创意芭菲嘅始祖，以前喺湾仔𠮶阵已经帮衬开，虽然打卡用嘅芭菲出左唔少新味道好吸引，但今次想散叫试真啲每样嘢嘅味道。鸡蛋仔即叫即制，蛋香好够，可惜但比较快淋，可能摊凉嘅时间不足。云呢拿米饭布丁鸡蛋仔味道较甜，个馅食得岀米浆同米粒，但味道嚟讲较单调，有d似偏甜嘅原味鸡蛋仔。另外叫左红丝绒鸡蛋仔，红丝绒其实系有少少酸味嘅朱古力，个馅仲加左cream cheese，融左之后有爆浆嘅效果好正，不过d馅料放得唔太平均，边边嘅位置无咩馅。Oddies仲有soft serve同gelato，个人认为佢地嘅雪糕比鸡蛋仔岀色，个gelato好香班兰同椰子味，走少甜路线，有唔少牛油酥饼、合桃碎同白朱古力碎，单球已经好大杯，适合二人分享。