Burgerman (欽州街) (已結業)

今日去左深水埗见完客就收工，谂住顺便买啲外卖返屋企加𩠌，咁岩比我闻到劲香嘅肉味，就行左过去，原来系间汉堡包店，话哂好耐无食burger就帮衬下啦。餐牌上有好多种包拣，我见是日推介有豚肉汉堡就拣佢先，之后叫多个和牛汉堡，两种肉都试哂，钟意食肉无计哈哈。之后当然有嗌埋小食啦，水牛城鸡翼呢个真系唔少得。先介绍返和牛汉堡，个包有煎香过，好有心机，和牛汉堡仲系好有肉汁，牛味浓郁，用荳苗做蔬菜底，都几健康，最惊喜系没菜青味，成件事好balance。之后豚肉汉堡就猪肉香同搅碎之后个质感好正，同样地保留到肉汁唔会干身。而水牛城鸡翼就够哂大只，份量够，酱汁包住成只鸡翼，真系惹味到不得了。除左汉堡，佢啲小食都唔可以错过，呢间值得过黎再帮衬过。