微醺 (已結業)

前几日同朋友食lunch，想食返餐好啲嘅，见呢度嘅lunch set都唔贵，装修又几靓，啲餐具都好似几靓咁，就入嚟食下啦。Fresh Fruit Salad每个lunch set都会包一份沙律同埋汤嘅，仲有饮品。沙律我哋拣咗Fresh Fruit Salad，除咗菜之外，仲有多款唔同嘅水果，例如火龙果、哈密瓜同埋士多啤梨，食落清新。仲有个包，包嘅香气几特别，几好食。Daily Soup𠮶日嘅餐汤系蕃茄汤，饮落蕃茄味十足，酸酸甜甜，有啲蕃茄蓉，饮落又creamy，好饮。Crab Meat & Crab Roe Risotto in Cream Sauce $168呢份risotto入面嘅蟹肉同蟹籽都好多，每啖饭都会夹杂着好多一丝丝嘅蟹肉，至于蟹子就可以自己捞落去，成个饭嘅蟹味十足，好味。Grilled New Zealand PS Rib Eye Steak 180g $258牛扒份量适中，煎得几香，牛肉味都几出，都算几滑嫩。至于配菜方面，有车厘茄、芦笋、茄子同埋薯仔。我觉得啲薯仔煎得好香好好食。另外有个类似芥末味嘅汁，不过我个人钟意唔点酱汁咁食牛扒多啲。至于饮品方面我哋就拣咗橙汁。