影片
更多
2019-05-28
154 浏览
系我好钟意既Omakase呀！早有听闻呢间日本餐厅既Omakase质素好高，今日终于有机会可以试到，记得要预先订位呀！餐厅门口嘅招牌好有气势，装潢用好多大理石元素，大气而有格调。因为bar台已经坐满人，所以我哋被安排到入面嘅一般座位，其实各有各好，吧枱可以欣赏到师傅制作食材嘅过程，而后面嘅座位就坐得舒服啲。menu一共有3 set选择：天、泷、极，我同朋友拣左最高等级既「极」～每个set都包含先付、前菜、汤、刺身、天妇罗、合肴、食事同甜品。先付🔸九州竹叶蟹肉+松叶蟹肉制成蒸蛋，口感清爽得黎但系啖啖蟹肉好丰富，配埋上面既姜汁mouse，适当地中和个味道，层次更丰富。前菜🔸山芋紫菜、萤光鱿鱼、蟹膏豆腐、甜薯。卖相好精致，本身山芋无咩味道只有黏黏口感，但系配上调制煮过的紫菜顿时好加分！萤光鱿鱼，爽口弹牙好似食紧鱿鱼bb咁嫩。蟹膏豆腐，上面系木鱼汤加昆布啫喱，豆腐软滑加上浓浓的蟹膏香味，味道好夹。甜番薯，软绵绵口感好香好好味。汤🔸小贝柱汤，成碗汤非常鲜甜，一小碗汤就有3只蚬好足料！刺身🔸3款精选刺身：池鱼、鲷鱼、拖罗，食得出每款刺身都非常新鲜，味道各有唔同。我最钟意池鱼觉得鲜甜得黎好清新，朋友
早有听闻呢间日本餐厅既Omakase质素好高，今日终于有机会可以试到，记得要预先订位呀！餐厅门口嘅招牌好有气势，装潢用好多大理石元素，大气而有格调。因为bar台已经坐满人，所以我哋被安排到入面嘅一般座位，其实各有各好，吧枱可以欣赏到师傅制作食材嘅过程，而后面嘅座位就坐得舒服啲。
menu一共有3 set选择：天、泷、极，我同朋友拣左最高等级既「极」～每个set都包含先付、前菜、汤、刺身、天妇罗、合肴、食事同甜品。
先付🔸九州竹叶蟹肉+松叶蟹肉制成蒸蛋，口感清爽得黎但系啖啖蟹肉好丰富，配埋上面既姜汁mouse，适当地中和个味道，层次更丰富。
前菜🔸山芋紫菜、萤光鱿鱼、蟹膏豆腐、甜薯。卖相好精致，本身山芋无咩味道只有黏黏口感，但系配上调制煮过的紫菜顿时好加分！萤光鱿鱼，爽口弹牙好似食紧鱿鱼bb咁嫩。蟹膏豆腐，上面系木鱼汤加昆布啫喱，豆腐软滑加上浓浓的蟹膏香味，味道好夹。甜番薯，软绵绵口感好香好好味。
汤🔸小贝柱汤，成碗汤非常鲜甜，一小碗汤就有3只蚬好足料！
刺身🔸3款精选刺身：池鱼、鲷鱼、拖罗，食得出每款刺身都非常新鲜，味道各有唔同。我最钟意池鱼觉得鲜甜得黎好清新，朋友就最like拖罗钟意入口即溶。
天妇罗🔸天妇罗炸物，全部都系即做即上菜，务求客人品尝到天妇罗既最佳状态。平时食天妇罗都系沾天妇罗酱汁，但系呢度非常讲究，有3种调味：白盐、芥末盐、柠檬汁 ，而且每种调味分别搭配唔同既天妇罗。天妇罗分别有虾、山嘴鱼、菇酿大蚬。白盐点虾身，芥末盐同柠檬汁可以点虾头，山嘴鱼就用白盐。选择合适既调味，完全将每种食材既美味发挥出黎！金鲷鱼就配虾汤，个汤极度浓郁，鲜甜程度彷佛好似用左成吨虾去熬制而成。
合肴🔸竹笋煮物，采用来自京都既竹笋，味道好清新爽口。
🔸熊本和牛，每一口都系满满既幸福感！薄切系slow cook牛肩，肉质好嫩滑，薄薄一片但系牛味浓郁。厚身既系用备长炭烤既西冷，真系无得弹！
食事🔸梅味素面配紫苏叶天妇罗，本来已经食到饱饱地，口腔味蕾已经好丰富既时候，一碗梅味既汤底配上素面，清新醒胃。
甜品🔸生炸原条鹿儿岛安立芋，真系好香好甜，配搭日本Brandy同白糖一齐食，又系完全唔同既味道，好有惊喜！
甜品🔸水玄饼，樱花jelly pattern，外面系冲绳黑糖同黄豆粉，好清新，为丰富既晚餐有个完美ending。
张贴
