港嘢茶檔 (已結業)

真心不私藏呢间有旧香港味道、混杂摩登潮流元素ge 特色餐厅😍😍复古装潢吸引一班候生仔女帮衬，无论食物卖相、门面、菜式，用high quality嚟形容呢间茶记ge 质素非常贴切。#先上枱系一盅前菜+汤，所用ge 类似瓷器器皿够晒精致、充满中式美感，望到心情兴奋。主要有两款小菜，自己手上呢份系凉拌海带贝类裙边，另外系红萝卜丝拌餣萝卜，酸酸甜甜，非常开胃。食完拎开上层见到浮住菇菇ge 清鸡汤，清得嚟够味，几好饮👍🏻而且每个星期款式会转，决定咗要再揾日嚟食😋#令人惊艳的前菜之后，就系大大一碟肉扒配炸薯角薯饼+杂菜，餐具配撘搞到成个all day breakfast 咁，真系好叹。我叫𠮶碟叫「大大块鸡扒」但size冇厚切猪扒咁大，煎得几好。杂菜方面有磨菇粒、翠玉瓜、生蕃茄半只、沙津菜、四季豆等，营养均衡。好少出街饮，见食评推荐香滑奶茶，果然系最正。