赤本山 (已結業)

今日嚟到位于将军澳澳南海岸SAVANNAH嘅赤本山，餐厅位置都几隐蔽，不过呢度相当宁静优雅，非常舒适，入到嚟仲有一个大大嘅吧枱位置可以近距离睇到师傅精巧嘅手势。先付~北海道白粟米，非常清甜。之后食咸香嘅紫菜白饭鱼，白饭鱼压碎左之后连同紫菜炸，口感好酥脆。最后再有沙葛，代替吾系当造期嘅萝卜，沙葛咬落清爽多汁，味道酸酸甜甜好开胃。刺身四品~真鲷薄切晶莹剔透，睇落相当吸引，真鲷鲜味再沾上酸酸地嘅酱汁，味道更加浓烈。~北海道白象拔蚌味道清甜爽口，鲜味十足，再加上岩盐同青柠汁嘅调味，令到味道更加有层次感。~三文鱼籽白海胆清甜得嚟creamy，另外师傅仲加咗少少青柠汁，中和左个味道，食落口甜而不腻回味无穷。~秋刀鱼刺身时令当造，味道相当肥美，而且鱼味浓郁，轻轻点上少少嘅酱汁，味道非常浓厚。御料理~吉列带子呈现半山熟状态，带子同吉列嘅口感，令到整体食落好有层次感，带子味道好鲜甜，亦可以沾上白松露酱，令到味道更香浓。寿司7贯~深海池鱼，口感爽口，仲有特有嘅咸香味。~鲛鲽鱼鱼边，有出众嘅油脂感，非常肥美。~新鱿鱼，其实就系鱿鱼BB，经过火灸烧完，识落更加有口感。~中拖罗，油脂感岩岩好，而且口感嫩滑。~酱