壽喜燒 樹

营业中

休息中

今日同朋友去咗尖沙咀寿喜烧树食晚餐，晚餐$780，以而家个市道嚟讲算系高价。但系食完之后，觉得食物质素、环境、服务都对得起个价钱。套餐有前菜、蒸蛋、三片和牛（肉眼、西冷、牛肩）、和牛滑蛋饭、甜品、面豉汤。 前菜蒸蛋等正常发挥，三片和牛非常高质。佢哋用京都姬牛同埋熊本和王和牛，油脂好香、肉味浓郁。我本人认为和牛一定要经过高温洗礼先至可以迫到香浓嘅油脂出嚟，呢间餐厅用关西风去煮，所以加寿喜烧汁之前会煎一煎块和牛先，所以就做到呢个效果。每块和牛都好大片，点埋兰王蛋汁，再配埋白饭，啖啖邪恶大满足！位置上系坐吧枱，可以睇到师傅烹调，服务都唔错，侍应上菜斟茶反应够快。由于每片和牛煮完要即刻热辣辣咁食，所以整个用餐过程比较快，但我哋就冇乜所谓，嘢食好味就OK。