Noc Noc

营业中

休息中

裝修好有心思而且好多佈置，最緊要就係有情調我覺得拍拖都好啱過嚟㗎，當然同朋友一齊就可以講下心事啦炸魚薯條一上到嚟我都嚇咗下，原來份炸魚係咁大！呢個味道絕對唔會輸比英國本土，甚至好味過英國啊！炸到好脆，但係裏面又唔會乾魚嘅份量俾我想像中大好多！加上有三種唔同嘅醬料，有白醋、番茄醬、沙律醬，我就覺得薯條要跟蕃茄醬酸酸甜甜搭配得好好！如果係炸南瓜條，就可以試下白醋啦！炸魚同沙律醬真係絕配呀！仲有一份煮食我哋就食咗忌廉牛油果扁意粉配香草烤雞，扁意粉口感會比較豐富再加上牛油果🥑簡直別有一番風味，如果再鹹少少會比較好～不過可能係我比較重口味啦，烤雞香濃香草味又夠滑！呢度食物都幾高質素，兼顧到酒吧，又同時達到西餐水準，唔洗驚質素唔好，因為佢哋野食都好有心機。適合飲下野，食埋晚飯！下次再約都朋友一齊嚟食多次呢度嘅美食😋