影片
更多
2018-08-24
106 浏览
觀塘大廈冇好野食？咁就錯喇，位於觀塘冠力大廈既呢間隱世K2 kitchen，大家真係不坊一試。今日同朋友係觀塘睇完早場，諗住食下好野，睇睇下電話就發現呢間有幾多好評既餐廳，當然結果都好滿意。氣氛裝修好舒服既k2 Kitchen，入到去人唔算太多，不過又唔會太靜，感覺都好自然同舒服，熱情既服務員會同你介紹一下有關set lunch 既廚師餐湯，同開胃小食。今日我地既開胃小食係芝士士多啤利配餅乾，又冇諗過會幾好食，咸咸甜甜，一塊真係唔夠喉。而餐湯係薯蓉煙肉湯，味道岩岩好，唔太濃，但煙肉味又夠出，不錯不錯，加埋佢配既長條餅，又真係幾吸引。主食，朋友叫左澳洲和牛肩甲，肉質好軟熟，好入味，加上小小肥肉，真係又邪惡又忍唔到口，男仔既可以試下配有機飯，飯質真係好中意，小小硬，但加小小汁，真係咁就可以食兩碗。我就叫左個扒虎蝦牛柳配紅酒燒汁。不得了，蝦殼易拆，點小小醬汁，好鮮味，肉夠實。至於牛柳，我提議五成熟就夠，佢不但唔會太多血，太生，反而已經好入味，唔會太硬，配上佢隔離既小小蔬菜，真係幾正！配埋白飯，簡直更上一層樓。唔夠? 當然，可以加十蚊試下視覺味覺都加分既甜品，今日我既甜品係豆腐黑芝麻凍餅，味道
今日我地既開胃小食係芝士士多啤利配餅乾，又冇諗過會幾好食，咸咸甜甜，一塊真係唔夠喉。而餐湯係薯蓉煙肉湯，味道岩岩好，唔太濃，但煙肉味又夠出，不錯不錯，加埋佢配既長條餅，又真係幾吸引。
主食，朋友叫左澳洲和牛肩甲，肉質好軟熟，好入味，加上小小肥肉，真係又邪惡又忍唔到口，男仔既可以試下配有機飯，飯質真係好中意，小小硬，但加小小汁，真係咁就可以食兩碗。
我就叫左個扒虎蝦牛柳配紅酒燒汁。不得了，蝦殼易拆，點小小醬汁，好鮮味，肉夠實。至於牛柳，我提議五成熟就夠，佢不但唔會太多血，太生，反而已經好入味，唔會太硬，配上佢隔離既小小蔬菜，真係幾正！配埋白飯，簡直更上一層樓。
唔夠? 當然，可以加十蚊試下視覺味覺都加分既甜品，今日我既甜品係豆腐黑芝麻凍餅，味道一流，唔太甜，又唔會太(漏) ，點小小心思超高又靚既蜜糖，完美。食埋佢既石頭朱古力同生果，推薦大家試下，十蚊真係好抵。
最後最後飲埋杯鮮奶朱古力，唔甜，夠香，一定係畫上句號既佳品。
张贴
