影片
更多
2018-08-24
106 浏览
观塘大厦冇好野食？咁就错喇，位于观塘冠力大厦既呢间隐世K2 kitchen，大家真系不坊一试。今日同朋友系观塘睇完早场，谂住食下好野，睇睇下电话就发现呢间有几多好评既餐厅，当然结果都好满意。气氛装修好舒服既k2 Kitchen，入到去人唔算太多，不过又唔会太静，感觉都好自然同舒服，热情既服务员会同你介绍一下有关set lunch 既厨师餐汤，同开胃小食。今日我地既开胃小食系芝士士多啤利配饼干，又冇谂过会几好食，咸咸甜甜，一块真系唔够喉。而餐汤系薯蓉烟肉汤，味道岩岩好，唔太浓，但烟肉味又够出，不错不错，加埋佢配既长条饼，又真系几吸引。主食，朋友叫左澳洲和牛肩甲，肉质好软熟，好入味，加上小小肥肉，真系又邪恶又忍唔到口，男仔既可以试下配有机饭，饭质真系好中意，小小硬，但加小小汁，真系咁就可以食两碗。我就叫左个扒虎虾牛柳配红酒烧汁。不得了，虾壳易拆，点小小酱汁，好鲜味，肉够实。至于牛柳，我提议五成熟就够，佢不但唔会太多血，太生，反而已经好入味，唔会太硬，配上佢隔离既小小蔬菜，真系几正！配埋白饭，简直更上一层楼。唔够? 当然，可以加十蚊试下视觉味觉都加分既甜品，今日我既甜品系豆腐黑芝麻冻饼，味道
今日我地既开胃小食系芝士士多啤利配饼干，又冇谂过会几好食，咸咸甜甜，一块真系唔够喉。而餐汤系薯蓉烟肉汤，味道岩岩好，唔太浓，但烟肉味又够出，不错不错，加埋佢配既长条饼，又真系几吸引。
主食，朋友叫左澳洲和牛肩甲，肉质好软熟，好入味，加上小小肥肉，真系又邪恶又忍唔到口，男仔既可以试下配有机饭，饭质真系好中意，小小硬，但加小小汁，真系咁就可以食两碗。
我就叫左个扒虎虾牛柳配红酒烧汁。不得了，虾壳易拆，点小小酱汁，好鲜味，肉够实。至于牛柳，我提议五成熟就够，佢不但唔会太多血，太生，反而已经好入味，唔会太硬，配上佢隔离既小小蔬菜，真系几正！配埋白饭，简直更上一层楼。
唔够? 当然，可以加十蚊试下视觉味觉都加分既甜品，今日我既甜品系豆腐黑芝麻冻饼，味道一流，唔太甜，又唔会太(漏) ，点小小心思超高又靓既蜜糖，完美。食埋佢既石头朱古力同生果，推荐大家试下，十蚊真系好抵。
最后最后饮埋杯鲜奶朱古力，唔甜，够香，一定系画上句号既佳品。
张贴
