峴港安南越南餐廳

营业中

休息中

鍾意試新野既我地,又發掘到間新開既越南餐廳,裝修好靚,門口好多打卡位,環境乾淨,卡位坐得好舒服.我地叫左牛三寶手工河,猪頸肉扎肉撈檬,越式炸春卷,香茅红糟肉,熱檸茶,瑰麗紅莓.牛三寳手工河,有牛頸脊,牛坑腩,鲜牛丸,份量好多,牛肉湯底上枱先加落去,好有儀式感,令牛頸脊唔會太熟,岩岩好,口感嫩滑,牛肉味濃.牛坑腩牛味最濃,肥瘦相間,肉質腍中帶爽,鮮牛丸口感爽口彈牙,充滿肉汁,手工河好闊身,非常滑溜,吸埋濃郁既牛肉湯,又唔油腻,真係超好食.猪頸肉扎肉捞檬,猪頸肉香茅味好出,肉質嫩唔乾檬粉Q弹.滑身,淋埋酸酸辣辣既魚露好清新,開胃,超好味.炸春卷,春卷外皮金黃酥脆,好鬆化,唔油腻,配埋魚露包住生菜食,好惹味.香茅红糟肉,第一次食,好有驚喜,炸得非常酥脆,油脂味好香濃.真係送酒一流.瑰麗红莓,非常吸睛,少女味十足,打卡able,玫瑰味十足,酸酸甜甜咁,好好飲！