峴港安南越南餐廳

营业中

休息中

钟意试新野既我地,又发掘到间新开既越南餐厅,装修好靓,门口好多打卡位,环境干净,卡位坐得好舒服.我地叫左牛三宝手工河,猪颈肉扎肉捞檬,越式炸春卷,香茅红糟肉,热柠茶,瑰丽红莓.牛三寳手工河,有牛颈脊,牛坑腩,鲜牛丸,份量好多,牛肉汤底上枱先加落去,好有仪式感,令牛颈脊唔会太熟,岩岩好,口感嫩滑,牛肉味浓.牛坑腩牛味最浓,肥瘦相间,肉质腍中带爽,鲜牛丸口感爽口弹牙,充满肉汁,手工河好阔身,非常滑溜,吸埋浓郁既牛肉汤,又唔油腻,真系超好食.猪颈肉扎肉捞檬,猪颈肉香茅味好出,肉质嫩唔干檬粉Q弹.滑身,淋埋酸酸辣辣既鱼露好清新,开胃,超好味.炸春卷,春卷外皮金黄酥脆,好松化,唔油腻,配埋鱼露包住生菜食,好惹味.香茅红糟肉,第一次食,好有惊喜,炸得非常酥脆,油脂味好香浓.真系送酒一流.瑰丽红莓,非常吸睛,少女味十足,打卡able,玫瑰味十足,酸酸甜甜咁,好好饮！