燒肉の牛太・本陣 (創紀之城五期(apm))

营业中

休息中

好少嚟觀塘做嘢咁，今日做完嘢2點左右，想食吓日本燒肉，所以上open rice 搵到呢一間舖頭。呢間本陣喺APM商場4樓，我見有lunch set所以就點一個149牛肋肉燒肉定食，我仲追加咗一個$28嘅牛腱肉。呢度嘅套餐包咗汽水，自助沙律吧，自助甜品，同白飯同湯，都幾抵食。我點咗嗰兩隻肉，都可以揀鹽燒或者醬燒，我個人覺得呢鹽燒會比較好食啲。而我覺得牛腱肉係幾好食嘅。因為其實仲有三款醬提供俾你點燒完個牛肉，所以鹽燒會比較合適啲。最後甜品有兩款，一個係糯米糍，另外一個好似日式啫喱，都係好食！