LY彌敦冰室

营业中

休息中

今朝早上去尖沙咀换旅游证件，之后到中午十二点先在油麻地有行程，十点四十分左右，行咗成半条弥敦道终于揾到个好好地嘅地方坐低，一入到嚟，啲姐姐同哥哥都好友善咁招呼我坐低，点好餐之后，好快就有得食，份餐嚟到，个哥哥轻轻掂一掂枱边个柜桶，话我知要糖的话喺呢度。由于我完全唔赶时间我就好细心咁观察吓呢间餐厅，发觉佢都有啲熟客，仲听到有个熟客，平时系食面，今日改咗通心粉，佢哋怕自己落错单，个客嚟到攞嘅时候仲专登问一问佢。啲楼面哥哥姐姐冇围炉喺度高谈阔论自己倾计，反而好留意每个客人嘅需要，我食食下想要胡椒粉，个胡椒粉喺旁边张枱，我望一望樽胡椒粉，放低手上嘅刀叉之际，𠮶个哥哥就走上嚟递咗个樽胡椒粉俾我！留意返当时间舖头系七成满的！之后我再见到有个婆婆入嚟，佢哋都好好，同婆婆讲：「婆婆好声行呀」，跟住再放慢语速咁样问佢几多位，真心感动！