九份•十分 (河畔花園) (已結業)

沙田围呢区越来越多好野食，今日选择食台湾野，中午饭时候超多人排队，但好彩唔算等左好耐就有位。餐厅有贴墙嘅卡位，所以坐得好舒适。午市套餐价钱抵食又份量十足，珍珠奶茶可以拣唔同甜度，啱晒追求健康唔好咁甜嘅人。醉溏沁蛋有木耳垫底，非常健康，溏沁蛋黄半熟食落软棉棉凉拌三小碟，酸辣海蜇十分醒胃，豆角爽脆，加上蒜香更惹味，而麻辣牛根亦够晒麻辣香口。盐酥鸡扒肉燥饭，浆粉薄兼且超松脆，鸡肉鲜嫩多汁。肉燥不油不腻，捞饭食一绝。仲有腌菜及卤水蛋伴碟，丰富嘅伴碟啱晒眼阔肚窄嘅我。醉乳鸽有浓郁酒香味，酒味浸透乳鸽肉，齿颊留香。贡丸面面线幼滑，叫套餐加$8就有，十分抵吃。最后当然唔少得珍珠奶茶，珍珠够晒烟韧，奶茶茶味亦十分香浓。