和田便當

营业中

休息中

呢排因为有个活动要去数码港，所以就嚟咗呢度，不过搭车过嚟已经见到附近好似真系完全冇咩餐厅可以食，所以初头都惊冇啖好食。不过我问咗喺度做嘢嘅人，佢哋话呢度个food court有间便当系几高质，只系50零$60 ，于是我就决定去试吓啦。原来佢系每日都有唔同嘅餐单俾人拣，我就托熟路嘅朋友帮我预先订咗个餐，我叫咗一个墨汁意粉，朋友就个蒜香鸡扒饭，成间野感觉都好干净棋你，印象都几好，几高科技感觉，店员嘅服务态度都好好，最惊喜系佢哋嘅饮品好高质，好多选择，好多香港平时都冇得买嘅汽水饮。我个墨汁意粉一打开都真系几惊喜，因为好多时啲便当嘅意粉都可能会有啲伏，但系呢个一眼睇落已经觉得好高质，食落真系唔使讲，啲物质好香好浓，意粉嘅质感都意外地保持得好好，唔会林晒，仍然有弹牙嘅口感，更加惊喜嘅系佢嘅墨鱼，佢啲墨鱼好弹牙，劲有咬口，感觉到有好高嘅脂肪浓度，总之就劲好味，好味过好多餐厅嘅墨鱼圈！呢个餐再加个波子汽水真系一流，好耐冇饮过波子汽水，估唔到会喺数码港都有得饮！朋友食𠮶个鸡扒饭佢都一路食一路赞不绝口，话估唔到咁高质！我都闻到佢个饭啲鸡都好香，下次都想试吓！