影片
更多
2018-12-24
183 浏览
放工时段嘅观塘真系多人到可怕，老公话带我上楼上舖食晚餐，提早庆圣诞环境: 在楼梯嘅装饰已经觉得好靓，上到去见到地方好大，餐桌好宽敞，布置充满少女田园风，仲加埋圣诞装饰，好有气氛~食物：忌廉南瓜汤系我老公至爱嘅西汤，佢话好重南瓜味又唔会太过糊状，而且餐饱软绵绵，好适合用嚟点南瓜汤，相比之下我个杂菜汤就感觉平凡咗，不过我觉得好开胃。主菜系神秘晚餐，咁即系咩呀？我地虽然钟意试新嘢，但系无乜冒险精神，所以问定先嗌。职员姐姐话今日系法式猪鞍配蘑菇汁，平时食过羊鞍，未试过猪鞍呢，梗系试下啦!猪鞍非常入味，唔洗点汁就咁食已经好好味，而且淋得嚟入面好多肉汁，唔会好似 __ __ 𠮶D用松肉粉嗱到肉都烂咁比人食。加个焗蕃茄比你梅花间竹咁食，越食越开胃~我就叫咗香煎三文鱼柳配藜麦沙律。初时仲惊鱼柳会得好少唔够食，到上菜时见到，根本就系成块三文鱼扒，今次发达~鱼皮煎得好脆口，鱼肉就仅熟，每一啖都食到甜甜地嘅鱼油，好嫩滑，一啖鱼一啖沙律真系正！健康又好味~最后原来叫特饮都系加$5，梗系试下啦！我叫咗蓝柑柠檬梳打，味道系唔错嘅。老公就叫咗焦糖咖啡，甘味同甜味都刚刚好，佢话好满意。呢度晚餐有提供沙律及甜品自助ba
老公话带我上楼上舖食晚餐，
提早庆圣诞
环境:
在楼梯嘅装饰已经觉得好靓，
上到去见到地方好大，
餐桌好宽敞，布置充满少女田园风，
仲加埋圣诞装饰，好有气氛~
食物：
忌廉南瓜汤系我老公至爱嘅西汤，
佢话好重南瓜味又唔会太过糊状，
而且餐饱软绵绵，好适合用嚟点南瓜汤，
相比之下我个杂菜汤就感觉平凡咗，
不过我觉得好开胃。
主菜系神秘晚餐，咁即系咩呀？
我地虽然钟意试新嘢，
但系无乜冒险精神，
所以问定先嗌。
职员姐姐话今日系法式猪鞍配蘑菇汁，
平时食过羊鞍，
未试过猪鞍呢，
梗系试下啦!
法式猪鞍配蘑菇汁
13 浏览
0 赞好
0 留言
猪鞍非常入味，
唔洗点汁就咁食已经好好味，
而且淋得嚟入面好多肉汁，
唔会好似 __ __ 𠮶D用松肉粉嗱到肉都烂咁比人食。
加个焗蕃茄比你梅花间竹咁食，
越食越开胃~
我就叫咗香煎三文鱼柳配藜麦沙律。
初时仲惊鱼柳会得好少唔够食，
到上菜时见到，根本就系成块三文鱼扒，
今次发达~
鱼皮煎得好脆口，
鱼肉就仅熟，
每一啖都食到甜甜地嘅鱼油，
好嫩滑，一啖鱼一啖沙律真系正！
健康又好味~
最后原来叫特饮都系加$5，
梗系试下啦！
我叫咗蓝柑柠檬梳打，
味道系唔错嘅。
老公就叫咗焦糖咖啡，
甘味同甜味都刚刚好，佢话好满意。
呢度晚餐有提供沙律及甜品自助bar，
但系我同老公都食到好饱，好满足，
都无咩帮衬个自助bar。
有机会再做猪鞍的话，真系要试！好好食。
服务：
大致服务殷勤友善，
上菜收碟速度快捷，
还特意介绍沙律及甜品自助bar，
适时添加食材。
张贴
