火車頭越南餐室 (浣紗街)

营业中

休息中

放假就谂住周围行下，系附近行完，就谂不于系大坑揾下野食，因为六点时间都仲系早，所以都未算太多人，睇睇下就拣左间越南野食。我地六点左右入黎，但唔够半个钟已经坐满哂。佢有单叫又有得叫套餐，套餐有大头虾套餐同埋火车头套餐，见到火车头套餐都几岩食，所以就懒得再睇了，然后再加杯饮品，荔枝特饮。火车头套餐都几多野食，总共有六样野，一个人都系188蚊。头盘有大虾柚子沙律，大虾加左调味料再煎过，几香口，柚子够甜，沙津食落几清新，开胃。扎肉就有四块，同虾一样都系煎一煎过黎，香口好味D。同场仲有两件特色蒸粉卷。之后就有马拉盏炒时菜，我地惊太辣，所以叫左小辣。不过黎到都有小小辣，惹味小小。跟住就有咖喱鸡配法包，咖喱味浓但唔系好辣，岩我地口味，咖喱鸡有四件，煮到好腍入哂味。法包就暖暖地，用黎浸咖喱黎食一流。我觉得主角系火车头招头汤河，影相可能唔系好觉，但其实佢个碗劲大，两个人既分量黎。汤底好有牛味，睇介绍有牛骨等十几样材料一齐煲。材料好丰富，有肥牛肉，牛肉味浓而且又嫩滑，仲有牛腩、牛丸同牛栢叶。加埋杯野饮一个人225蚊左右，性价比高既越南餐厅。