發哥粥底海鮮火鍋 (已結業)

Blue monday放工同朋友拣左间公司附近既海鲜粥底火锅松一松，非常不错，可以覆卓！晚上七点左右到，环境阔落企理，晤会好似其他火锅店一入去就feel到焗住哂阵味。点左个龙虾海鲜餐，可以拣八样配料，饮品任饮，价钱晤使三旧。首先上既热辣辣既炖汤，一开盖就知够哂足料，味道适中，晤会太咸/油，岩哂填一填肚等开餐。之后所有海鲜配料一齐上哂，摆盘卖相吸引，龙虾鲍鱼新鲜到仲识郁！所有海鲜都系用清水烚，晤使点任何酱汁，已经非常鲜味。如果唔知海鲜要烚几耐，可以随便问个侍应，普遍都系3分钟内，除左圣子十几秒/脆肉鲩十几分钟 !值得一提系d人执碟好自动波，服务都好殷勤，见到你食完一样就会收走，我地都系收碟个阵顺便问海鲜既烹调时间。食到八点几个场多人都系觉得好阔落，成餐都食得好舒服，晤使同人迫。另外系蚬都洗得较其他火锅店干净，晤会好多沙。Overall 性价比几高，地理位置就脚，放工开餐一流。