豚道樂 (大河道) (已結業)

📍豚道樂 - 荃灣-唔洗多講 由張收據就睇得出呢間係良心小店啦☺️ 之前聽講佢一直都唔係幾好生意 所以就去左支持下-🔸濃厚原味拉麵 ($72+$13轉特上)今次揀左加錢轉特上 會配返豬肩肉 豬腩肉 紫菜同埋半隻溏心蛋 都幾抵加湯頭濃郁 但杰身到似食緊沾面湯底咁 而豬肩肉就好大塊 同埋表面灸燒過既 好香！但我今次食既呢隻蛋就有少少過熟😣唔算好溏水而麵底可以自行揀硬度同埋粗幼 呢方面有好有唔好啦因為聽有碗話碗alfred教路 正宗既拉麵店係會幫你揀埋最好既配搭 確保你食到店家提供既最好水準😛整體黎講 呢碗拉麵屬中等水平 經過呢頭既都可以一試☺️