豚道樂 (大河道) (已結業)

荃灣拉麵雲集的體驗❤️其實我自己都比較少嚟到荃灣，今次約咗住喺附近嘅朋友先黎一黎，今次就試吓呢間日式拉麵店——豚道樂💕❣️香煎鵝肝鴨白肝拉麵 $90 (7.5/10)因為呢個係期間限定，所以我冇得揀湯底同麵條粗幼。一上到黎係覺得，都唔算好多份量，因為我朋友係叫咗最基本嘅豚骨拉麵，佢比我嘅感覺好似好過我呢碗🤪不過我呢碗都算係湯底好濃，鵝肝都算好入味，拉麵都分明有條，咬感還好，但係呢個價錢就有少少貴。同埋個人覺得都唔算坐得好乾淨同舒服。下次可能會試下隔離颱風。

豚道樂 (荃灣)鋪面唔算大，但裝修幾有日本feel，吧枱位置仲設至差電位，十分細心～🥰另外，職員服務態度良好，值得一讚💕.🦐海老湯拉麵🍜 $85(星期五、六、日限定)湯底濃厚香純，加上大量櫻花蝦，雙重滋味🦐 豬肩肉有口感而唔會韌(兩大片)，仲有比火炙過添🔥🥳食到落尾會有少少膩🤏🏻但有大量芽菜平衡返～.➕招財貓汽水 ($20)- 波子汽水味.👍🏻👍🏻👍🏻👍🏻/5..🧄黑蒜油拉麵🍜 $80一上菜就聞到好香嘅蒜味，食嘅時候湯底掛麵能力非常好，因為揀咗較幼身嘅直麵(另有曲麵可選)，加上湯底非常濃稠👅一樣都係有兩片炙過嘅豬肩肉，蒜味同肉好夾，加強咗肉嘅鮮味🤤.➕信州白提子梳打 ($25).👍🏻👍🏻👍🏻👍🏻👍🏻/5...< 小食 >.🔸男爵南瓜薯餅 (一件) $18食完拉麵再食小食，薯餅放咗咁耐依然保持到外脆內軟嘅有感。南瓜蓉甜甜地，整體嚟講好鬆化💜👍🏻👍🏻👍🏻👍🏻👍🏻/5.🔸男爵咖喱薯餅 (一件) $18外皮唔算厚，非常鬆軟嘅薯蓉，淡淡嘅咖喱味。但味道比較單一，如果可以加芝士喺面前就最好喇～～P.s 咖喱味可以可濃多少少👍🏻👍🏻👍🏻/5.🔸日式餃子🥟 (5個) $38

荃灣有幾間拉麵都幾出名 今次就揀左呢間豚道樂試下先入面都有幾多唔同嘅口味🌟日本芥末拉麵 $80-有芝士/幼麵/正常硬度-呢個口味好小見-芥末味幾香 -唔會好攻鼻-湯底幾濃郁-成個配搭都唔錯🤫下次會想再黎試下其他口味拉麵 整體唔錯 都幾抵食。🤫建議可以轉特上 $13但有野飲 有多三樣配菜比較抵 不過個日唔太餓就無加到

豚道樂 (大河道)地址: 荃灣大河道63號卓明大廈地舖黑蒜油拉麵 🍜 $80個拉麵湯底唔夠熱，而且比較油。黑蒜睇落好足料下，但略缺香味，而且湯底比較淡，有少少失望啦。豚肉味道較淡，而且口感較硬，普普通通，無太大特別。#nicefoodie荃灣

雞白湯，魚介湯，豬骨湯，拉面好多湯底都試過，鴨白湯試過未?🥸個鴨白湯真心好食!! 湯底夠味!! 面就一向呢間野都唔差，夠彈牙!!😍😍個鴨肝燒過食落味道都好正，有食肝需要的綿綿口感，加上肝臟的油香，不得了😋😋😋

已經嚟過幾次 今次突然想食辣野 點左辛辣拉麵 另外加荀 個湯夠濃 辣味方面 除咗辛辣 仲會有一種甜甜地類似韓式辣醬的醬 兩隻味道夾埋幾有層次 我特別叫咗小辣 因為記得係好辣 (利申 譚仔5小) 結果都流左少少鼻水眼淚 😂 好彩另外加荀 佢會雪到凍冰冰 浸喺日式醬油/麻油入面 香得嚟又啱啱好解辣

📍豚道樂 - 荃灣-唔洗多講 由張收據就睇得出呢間係良心小店啦☺️ 之前聽講佢一直都唔係幾好生意 所以就去左支持下-🔸濃厚原味拉麵 ($72+$13轉特上)今次揀左加錢轉特上 會配返豬肩肉 豬腩肉 紫菜同埋半隻溏心蛋 都幾抵加湯頭濃郁 但杰身到似食緊沾面湯底咁 而豬肩肉就好大塊 同埋表面灸燒過既 好香！但我今次食既呢隻蛋就有少少過熟😣唔算好溏水而麵底可以自行揀硬度同埋粗幼 呢方面有好有唔好啦因為聽有碗話碗alfred教路 正宗既拉麵店係會幫你揀埋最好既配搭 確保你食到店家提供既最好水準😛整體黎講 呢碗拉麵屬中等水平 經過呢頭既都可以一試☺️

📍 豚道樂 ～ 荃灣大河道63號卓明大廈地舖今次Lunch真係睇open🍚點知想食嗰間冇開，不過好彩附近有間日式拉麵店🍜🍜😏😏，好彩即刻入咗去唔係一分鐘後就排長龍😂😂😂1)特豚骨拉麵🍜，嗰湯好好味道，🐷骨湯底好濃厚，落足料👍🏻👍🏻😏😏豚肉叉燒好正，好L正🤣🤣🤣 2)日式炸雞串，炸粉好食😋🤣🤣雞肉會唔會太乾身，好多肉汁味。環境日式拉麵店，價錢方面cp值好高汁，🍜推介👍🏻👍🏻👍🏻

因為食過普通辣，覺得佢辣得來竟然食到拉麵嘅香味所以就膽粗粗叫埋朋友再試吓上一級，我哋三個人兩個普通辣一個食激辛….結果…..挑戰失敗😂左邊淺色嗰碗先至係激辛！本來我哋都冇嗌嘢飲，食咗一啖，三人即刻叫嘢飲🤣🤣🤣啖麵食落去苦㗎，真係冇辦法完成😅下次都係乖乖地叫返普通辣算了 利申：食辣程度係x仔小辣程度

荃灣拉麵林立，豚道樂係其中一間不得不食嘅拉麵店。平日晚上等候時間大約20分鐘內就可以入座。職員服務很好，熱心幫助！黑蒜油拉麵：湯底濃郁！海老湯拉麵：本人至愛！海老湯味道濃郁，配上櫻花蝦，鮮而不膩！豬肩肉分量充足，唔會太淋或太難咬加配半熟蛋拉麵味道提升

香港最近掀起拉麵熱潮，越來越多唔同門派嘅拉麵店喺香港蔚然成風😍😍簡直係我呢個鍾意食日本嘢嘅人嘅福音！今次去咗荃灣食豚道樂，感覺都幾正宗，店員會用日文溝通。我叫咗鏗魚豚骨拉麵，湯頭濃郁，甚至有少少起沙嘅感覺，令我懷疑呢度到底係食沾麵定係拉麵。🤪🤪加咗$25升級，多咗幾塊豚肉叉燒、紫菜同糖心蛋，不過不失，叉燒有少少太薄。另外仲食咗替玉，即係加麵底，呢度有分直麵同曲面，直麵口感似上海麵，曲麵就似日式麵多啲。睇個人喜好鍾意邊款，就叫邊款😌總括：定價有啲偏貴，味道尚算不錯😊

本身真係好鐘意食豚道樂嘅拉麵 但次次都係食同一款（芥末拉麵）見到個新餐牌有個香煎鵝肝鴨白湯拉麵，終於決定試下佢。鵝肝唔算好大塊但勝在油脂分泌幾平均，本身個湯底算淡（因為我剔咗非濃湯）但正正咁就可以突顯到鴨同鵝肝嘅香口！真係好正呢😋😋

店入面既位比較少，通常都要排一下隊。呢一間拉麵既湯底濃郁，鐘意濃湯既朋友可以一試👍叫左兩個麵，曲麵，要硬，加左13蚊溏心蛋同豬腩肉。（平日限定）特上鰹魚魚介豚骨湯拉麵🍜豬腩肉無燒過，味道較淡，所以相比之下我鐘意豬肩肉多d,燒過既豬肩肉比較有咬口，香味亦都比較出。肉都幾大塊，份量十足🐷湯底濃郁，麵條掛湯，啖啖都食到個湯底～但魚介粉令到湯底吾滑，湯底變得太過濃稠。原味豚骨拉麵個人口味較淡，個湯底對我黎講岩岩好😋平日無咩人排隊既話會再試👍

我成日嚟食㗎 ！有機會見到個好性感嘅男人就一定係我呢個地盤佬原味豚骨拉麵講明原味梗係是但湯啦不嬲都飲幾啖先開始食麵㗎 ！再撈埋啲辣醬100分！黑蒜油拉麵屋企人就揀咗呢個麵食！咁係幾香嘅！佢次次都叫呢個我諗真係好好味不過我自己就冇食過啦炸芝士芝士怪點可以唔叫呢個啊！你睇吓我咬一啖啲芝士必晒出嚟

今日去左荃灣食拉麵 － 豚道樂晚飯時候遲少少去都已經唔少人排緊隊，佢地最有特色嘅就係日本芥末拉麵，作為一個wasabi控一定要試下！本身都有d怕芥末湯底會太heavy，點知食落其實唔會，湯底有wasabi香味但又唔會太濃亦都唔會覺得攻眼攻鼻，食完一碗再飲下湯都唔會覺得漏，就算唔鐘意wasabi嘅人都應該可以接受到，我地覺得好特別！另外仲叫左黑蒜油拉麵，黑蒜油味道唔算太濃，有少少似普通豬骨湯底，對比起芥末拉麵就有少少遜色，同埋覺得偏咸，食完覺得有d口渴另外都叫左飲品 － 富士山柚子梳打，味道其實就係有汽嘅柚子茶，酸酸地唔會太甜，天氣咁熱加上食完拉麵飲就好適合！