影片
更多
2018-11-26
59 浏览
细妹生日，我决定同佢两个边食饭边饮酒，做一晚闺蜜倾吓心事。我哋上到嚟铜锣湾地铁站对面嘅呢间Miniclub，环境好宽阔，而且好适合饮住酒倾心事，而且佢哋嘅食物品质都不错。系一间属于高档嘅餐厅。我哋要咗海鲜拼盘加生蚝$263+54，我就主打食生蚝，每只生蚝都肥美新鲜，妹妹主要食海鲜，佢一边食龙虾一边拆螺肉，不断大叫鲜甜好味食得好开心。然后我哋就叫左，西班牙火焰黑毛猪鞍扒$127，我贪佢有火焰有气氛啲。小食就叫咗辣肉肠薄饼$95，韩式照烧安格斯牛柳粒$87。黑毛猪一上枱，侍应就叫我地准备相机，然之后一阵火烧起，热辣辣嘅西班牙黑毛猪就系我哋面前，我快速咁切开然后分吃，猪肉夹杂着阵阵嘅木香味，再点佢嘅特别酱汁-冲绳盐曲，超级好味，我哋以蝗虫嘅速度清左成个碟。安格斯牛柳粒非常惹味嫩滑，再配上泡菜及紫菜，可以开胃又食多几件。辣肉肠薄饼，但有少少酒味，用咗靓嘅新鲜面粉，所以薄饼口感又脆又有小小包嘅香甜。好吃。少不得佢哋嘅酒，我哋要左一支House wine, 同埋Einstein。我好钟意佢哋嘅cocktail，又靓又好饮，打卡影相味道都系一百分。我呢杯酒，佢分开咗两边，一边系甜甜嘅桂花香，一边系蓝
我哋上到嚟铜锣湾地铁站对面嘅呢间Miniclub，环境好宽阔，而且好适合饮住酒倾心事，而且佢哋嘅食物品质都不错。系一间属于高档嘅餐厅。
我哋要咗海鲜拼盘加生蚝$263+54，我就主打食生蚝，每只生蚝都肥美新鲜，妹妹主要食海鲜，佢一边食龙虾一边拆螺肉，不断大叫鲜甜好味食得好开心。
然后我哋就叫左，西班牙火焰黑毛猪鞍扒$127，我贪佢有火焰有气氛啲。小食就叫咗辣肉肠薄饼$95，韩式照烧安格斯牛柳粒$87。
黑毛猪一上枱，侍应就叫我地准备相机，然之后一阵火烧起，热辣辣嘅西班牙黑毛猪就系我哋面前，我快速咁切开然后分吃，猪肉夹杂着阵阵嘅木香味，再点佢嘅特别酱汁-冲绳盐曲，超级好味，我哋以蝗虫嘅速度清左成个碟。
安格斯牛柳粒非常惹味嫩滑，再配上泡菜及紫菜，可以开胃又食多几件。
辣肉肠薄饼，但有少少酒味，用咗靓嘅新鲜面粉，所以薄饼口感又脆又有小小包嘅香甜。好吃。
少不得佢哋嘅酒，我哋要左一支House wine, 同埋Einstein。
我好钟意佢哋嘅cocktail，又靓又好饮，打卡影相味道都系一百分。
我呢杯酒，佢分开咗两边，一边系甜甜嘅桂花香，一边系蓝色嘅酒，但系饮落去，一啲都唔觉得有酒嘅苦涩味，非常适合女性饮嘅。侍应亦都有介绍酒嘅内容及饮法。
最后俾咗个大惊喜比佢，餐厅嘅特别推介，艾菲尔铁塔，粉红色嘅艾菲尔加上干冰嘅烟雾，上边摆搬咗唔同款式嘅甜品，完全满足晒寿星女的少女期盼，佢对呢餐饭超级满意。
依家出去食饭，好多时消费都唔平，但系如果贵嘅消费配上唔好嘅服务或者唔好嘅食物，换来嘅系一肚气，但系喺Miniclub,服务又好而且食物水准相当高，所以虽然买单稍贵但系CP值更高。我亦都推介左比身边朋友。
题外话，我唔小心打烂左支红酒，佢哋极快同专业嘅态度清理完，而且一啲都唔黑面，令我哋食得好舒服，冇破坏到妹妹食生日饭嘅气氛。好多谢佢哋。
张贴
