Blue House (已結業)

今日难得黎大埔揾一个耐冇见嘅朋友，黎到 蓝屋 食午饭敍旧。午市餐牌有8个餐，4个意粉、4个饭。1. 餐前沙律细细碗嘅餐前沙律，有粟米粒、椰菜丝、胡萝白丝配芝麻酱，中规中矩，冇特别。2. 日式柚子忌廉烤鸡滑蛋饭我点嘅忌廉烤鸡滑蛋饭，个忌廉汁好好味，有d柚子粒，成个汁又滑又甜；烤鸡个外皮有少少焦，烤得好有火候，鸡肉肉嫩有肉汁；滑蛋炒得滑，配埋白饭同忌廉汁，真系会滑落喉咙。3. 焗芝士自家肉酱炸鸡意粉朋友点嘅芝士肉酱炸鸡意粉，上枱嘅时候块铁板仲有d滋滋声。芝士肉酱好开胃，咸味适中，配埋个干干地嘅炒意粉，干湿互补，好夹；炸鸡薄薄地一层米糠粉，炸得香脆，锁住鸡肉汁，鸡肉又滑又嫩；炒意粉嘅口感有别平时嘅煮意粉，有咬口、唔会好淋，算系另一种风味。4. 玄米绿茶跟餐嘅玄米绿茶，玄米味比较重，凉凉地，饮落口几清凉，消暑唔错。埋单每人60蚊左右，个人觉得Cafe差唔多都系呢个价钱起，食物有质素有水准，几推介大家去食。