職人壽司

营业中

休息中

 一直放喺想去List好耐，週六中午就去左食，入面唔算太多位置，繁忙時間可能需要稍稍等位！午市套餐仲包左麵豉湯、飯後水果，幾抵食。🍣角切魚生丼 $108★★★★☆刺身略略唔夠凍，但勝在份量足，夠豐盛，有三文魚、蝦、魷魚、吞拿魚等各種刺身粒，加上新鮮有口感，食落超正！呢個價位黎講好抵食！🍣炙燒丼 $98★★★☆☆炙燒都唔錯有左加魚、原隻蝦、魚、三文魚，新鮮嘅，但唔算好肥美。個人覺得佢唔夠炙燒，冇個種焦香感同埋D魚油燒到逼出黎。但整體黎講都係唔錯嘅！醋飯都夠味，但可以再軟燸啲！🌟總括：元朗少見呢種級數嘅日本小店，味道中上，用料新鮮，價錢抵，會再去幫襯！