影片
更多
2022-12-06
14 浏览
沿西街前行经过鹅颈桥，嚟到摩理臣山道岔路附近，小小一个转角，走过一小排树后就见到个黑金招牌写住「岳川串扬」。平日揸车或行路经过都好易会被忽略嘅一角，就藏身咗一间串扬居酒屋🏮。大阪名物唔止章鱼烧同大阪烧，串扬(串扬げ)同样都系大阪嘅地道名菜，由平民美食发展到矜贵食材入馔都有，即时谂起嘅系日本出名嘅串扬连锁店新世界元祖串扬。「即系好似港式煎酿三宝咁？」呢个系我对串扬嘅first impression，任何文化其实都系殊途同归。传统大阪串扬最常见有番茄、洋葱、鸡肉丸、海鲜同猪牛等；HKstyle？鱼肉酿入茄子、红肠、青椒、红椒同豆腐blablabla，大家都系落油镬一获熟。分别主要就体现在于「文化差异」。日本人对食嘅匠人精神(利申唔系话香港人冇啊吓)，除咗油温同火候控制外，前期工作包括每款串扬炸物嘅大小形状切割、炸浆配方、浓稠度、炸油筛选等都好讲究。所以先可以做到串扬有咬落酥脆又松化嘅口感。单纯文字讨论完毕，岳川串扬舖头细细，明显就系定位平民居酒屋。店员亲切嘅态度upgrade咗成个用餐氛围，人情味当然大加分👍🏻。布置方面有好多大阪小物，最抢眼嘅一面墙用咗大阪通天阁街景做背景，lunch s
大阪名物唔止章鱼烧同大阪烧，串扬(串扬げ)同样都系大阪嘅地道名菜，由平民美食发展到矜贵食材入馔都有，即时谂起嘅系日本出名嘅串扬连锁店新世界元祖串扬。
「即系好似港式煎酿三宝咁？」
呢个系我对串扬嘅first impression，任何文化其实都系殊途同归。传统大阪串扬最常见有番茄、洋葱、鸡肉丸、海鲜同猪牛等；HKstyle？鱼肉酿入茄子、红肠、青椒、红椒同豆腐blablabla，大家都系落油镬一获熟。分别主要就体现在于「文化差异」。日本人对食嘅匠人精神(利申唔系话香港人冇啊吓)，除咗油温同火候控制外，前期工作包括每款串扬炸物嘅大小形状切割、炸浆配方、浓稠度、炸油筛选等都好讲究。所以先可以做到串扬有咬落酥脆又松化嘅口感。
单纯文字讨论完毕，岳川串扬舖头细细，明显就系定位平民居酒屋。店员亲切嘅态度upgrade咗成个用餐氛围，人情味当然大加分👍🏻。布置方面有好多大阪小物，最抢眼嘅一面墙用咗大阪通天阁街景做背景，lunch set 系基本嘅定食，但可以追加串扬。叫咗土手烧牛舌，忟得软淋入味，萝卜清甜，整体就系一道超下饭嘅菜式，唔错！
试咗个鸡翼串扬，超薄炸浆紧锁肉汁，咬落先知juicy，望真menu 整体价钱唔贵，想食串扬，我会话呢间抵畀！
张贴
