潮福蒸氣火鍋 (已結業)

最近有少少凉意，打边炉🍲就最岩！两个人想食多啲款又唔想周围买洗一大餐，选任饮任食就最方便😄经过深水埗，记起朋友讲过潮福都几抵食，就去左食佢个海鲜火锅套餐😋一坐低拣左饮咩先，呢度竟然有asahi同嘉士伯任饮，平时出面一定要on top加钱，当然要啤一啤佢🍻汤底实在太多选择，最后选左椰子鸡汤，估唔到都有半只鸡，唔系有雪味果种，唔错！再黎岩岩炸好既脆皮乳鸽，好开心打边炉都有乳鸽食😆之后到重点啦👏🏻系有六种海鲜嘅海鲜盘定食 （龙趸片，海虾，桶蚝，鲍鱼，大元贝同蟹），可能佢本身有自设既海鲜箱，海鲜款款都好新鲜，仲清洗得几干净，鲍鱼元贝都拆哂壳，食得方便又放心👍🏻个摆盘系有心思，可以打卡骗like🙈我地觉得只系呢个海鲜盘已经值回票价，特别桶蚝真系好巨型，有大半只手掌咁大，连碗都放唔落🤣其他食物都有好多款，我最钟意手打丸，好爽口，整体来讲好高CP值！