影片
更多
2017-07-30
228 浏览
由细到大都系九龙城区长大，中小学都喺土瓜湾，屋企又住喺红磡，所以对呢个区真系好有归属感。唔讲唔觉，原来有个崇洁街美食区。佢位于土瓜湾同黄埔中间，好彩我系地胆，先带到朋友去食呢一间看似平平无奇，实质卧虎藏龙嘅火锅店。一入门口，就见到好多好新鲜嘅海鲜喺鱼缸里面。间舖唔算好大，由于我哋两个人拣咗任食火锅，所以店员将隔离个两张枱拍埋过嚟等个炉同啲嘢食有位摆。我哋叫咗火焰台山五味醉鹅 (按人头计分量，每位另加HK$30)开头滚左一阵，店员就打开盖，将少少白酒倒入煲中，再点火。阵阵酒味连同鹅嘅香味随着飘至鼻中，淡淡既酒味渗入肉质厚实嘅鹅肉同埋枝竹，再点埋自己沟出嚟嘅酱，为呢啲食材增色不少。同平时嘅鸡煲一样，食完之后店员就加汤落煲方便我哋打边炉。令我最意想不到就系餐厅赠送既海鲜拼盘，包括龙虾(每人半只)、虾、象拔蚌等等，仲有识郁嘅花蟹添，啲海鲜真系好新鲜！餐厅仲赠送咗手切牛，冇平时嘅肥牛咁多脂肪，色泽红润，相对上肉质较为坚韧。呢啲海鲜同牛都唔系任叫嘅。而点菜纸上嘅食物就系任叫任食，包括鸡牛肉、芝士肠、鱼蛋等等，菇比预期中好食，冇谂过豆腐竟然用百福豆腐，都几揼本。餐厅仲附送左一个蔬菜拼盘，每样蔬菜份量
一入门口，就见到好多好新鲜嘅海鲜喺鱼缸里面。间舖唔算好大，由于我哋两个人拣咗任食火锅，所以店员将隔离个两张枱拍埋过嚟等个炉同啲嘢食有位摆。
我哋叫咗火焰台山五味醉鹅 (按人头计分量，每位另加HK$30)
开头滚左一阵，店员就打开盖，将少少白酒倒入煲中，再点火。阵阵酒味连同鹅嘅香味随着飘至鼻中，淡淡既酒味渗入肉质厚实嘅鹅肉同埋枝竹，再点埋自己沟出嚟嘅酱，为呢啲食材增色不少。
同平时嘅鸡煲一样，食完之后店员就加汤落煲方便我哋打边炉。令我最意想不到就系餐厅赠送既海鲜拼盘，包括龙虾(每人半只)、虾、象拔蚌等等，仲有识郁嘅花蟹添，啲海鲜真系好新鲜！餐厅仲赠送咗手切牛，冇平时嘅肥牛咁多脂肪，色泽红润，相对上肉质较为坚韧。呢啲海鲜同牛都唔系任叫嘅。
而点菜纸上嘅食物就系任叫任食，包括鸡牛肉、芝士肠、鱼蛋等等，菇比预期中好食，冇谂过豆腐竟然用百福豆腐，都几揼本。餐厅仲附送左一个蔬菜拼盘，每样蔬菜份量都几多。饮品方面，客人可以任饮罐装汽水，青岛蓝妹啤酒则要另外收费。
整体而言，呢个任食火锅真系好抵食，唔理其他任叫食物嘅质素，净系讲海鲜既质素真系冇得顶。用咁嘅价钱嚟食咁新鲜嘅海鲜，真系好值得。下次会带多啲朋友一齐嚟食，咁就可以食到更多唔同款嘅海鲜喇
张贴
