影片
更多
2025-01-24
0 浏览
啱啱星期六，去咗淘大花园探朋友，佢话两个人费事煮，不如出街食，结果我哋去咗楼下一间街坊小店「栢档」，佢话呢度嘅海南鸡性价比好高，我哋二人套餐$228，除咗抵食之外，味道仲有好多惊喜。首先，佢哋嘅皇牌无味精靓汤，真系好似阿妈煲汤咁，感觉到清甜又健康，真材实料完全冇味精，饮完好舒服。跟餐有三式醒胃小食拼盘：辣辣拍青瓜、麻香小云耳同凉拌莴笋，味道都唔错，特别系个青瓜，啖啖都系爽脆，食完之后真系唔想停。再嚟就系重头戏「极品海南鸡」，除咗鸡翼之外，半只鸡完全起骨，啖啖肉，肉质滑嫩，鸡油香气四溢，搭配佢哋特制酱汁，捞埋啲鸡油饭一齐食，简直系无得输！另外一个主菜我哋拣咗卤水元蹄，份量十足，肉质非常腍，而且好入味，味道好浓厚，食完之后连皮都唔想放过。后来心痒痒，忍唔住叫埋卤烧猪颈肉同香煎肉饼。猪颈肉正常发挥，但个肉饼就真系不得了！炸得金黄香脆，里面仲有虾米同瑶柱，味道层次非常丰富，仲有虾酱调味，食落去真系满满惊喜。仲有佢哋嘅肉骨茶，汤底浓郁，味道香醇，肉骨煮得非常入味，骨肉分离，食落去超级满足。最后，仲有健康翠绿时菜，同两杯饮品，真系好饱！整个套餐价钱合理，味道超赞，绝对值得推荐畀街坊朋友。栢档嘅海南
啱啱星期六，去咗淘大花园探朋友，佢话两个人费事煮，不如出街食，结果我哋去咗楼下一间街坊小店「栢档」，佢话呢度嘅海南鸡性价比好高，我哋二人套餐$228，除咗抵食之外，味道仲有好多惊喜。
首先，佢哋嘅皇牌无味精靓汤，真系好似阿妈煲汤咁，感觉到清甜又健康，真材实料完全冇味精，饮完好舒服。
跟餐有三式醒胃小食拼盘：辣辣拍青瓜、麻香小云耳同凉拌莴笋，味道都唔错，特别系个青瓜，啖啖都系爽脆，食完之后真系唔想停。
再嚟就系重头戏「极品海南鸡」，除咗鸡翼之外，半只鸡完全起骨，啖啖肉，肉质滑嫩，鸡油香气四溢，搭配佢哋特制酱汁，捞埋啲鸡油饭一齐食，简直系无得输！
另外一个主菜我哋拣咗卤水元蹄，份量十足，肉质非常腍，而且好入味，味道好浓厚，食完之后连皮都唔想放过。
后来心痒痒，忍唔住叫埋卤烧猪颈肉同香煎肉饼。猪颈肉正常发挥，但个肉饼就真系不得了！炸得金黄香脆，里面仲有虾米同瑶柱，味道层次非常丰富，仲有虾酱调味，食落去真系满满惊喜。
仲有佢哋嘅肉骨茶，汤底浓郁，味道香醇，肉骨煮得非常入味，骨肉分离，食落去超级满足。
最后，仲有健康翠绿时菜，同两杯饮品，真系好饱！整个套餐价钱合理，味道超赞，绝对值得推荐畀街坊朋友。
栢档嘅海南鸡饭绝对系一个好抵食又好味嘅选择，无论系味道、质素，甚至系环境，都值得我哋下次再嚟支持下。
张贴
