影片
更多
2022-09-04
916 浏览
读书就开始食的小店，其实老板话佢都唔想咁多人知呢间铺，因为得佢一对手，太多人佢都应付唔到。但有时又真系少人到一日得一千蚊生意，守业守得有啲辛苦。嚟得嘅基本都系熟客，呢到冇装修，冇景，唔浪漫，唯有足料的美食。🍹冻柠多次次嚟亲老板都叫我地饮冻柠多，因为出面系饮唔到。原支益力多加青柠，配上整支泰象梳打，清新解渴。老板仲建议我地加啲Gin落去变Cocktail(免费，自己钟意就落），青柠香气一下变得好突出，外面真系饮唔到。🍲冬荫功（细）两个人分到两细碗，其实老板系咁劝我地唔好饮啦，因为冬荫公到到都系差唔多，佢想我地食多啲佢独有的菜式，不过因为我真系好钟意饮冬荫功，所以系都要叫。味道比我想像中淡，传统冬荫功其实会偏咸偏浓，因为泰国人其实系拎嚟拌饭食。呢到调味较轻手，对我而言唔够重味。🥗猪膶生菜包餐牌写要预订，为食的关系都胆粗粗问老板有冇得食啦！点知真系有！呢到嘅生菜包一向都好出色，调味好到位，系我食过最好食的生菜包。猪膶生菜包系大量猪膶配上少量肉碎炒成，味道咸、甜、酸，好开胃。🍤虾多士呢啲先系虾多士！成cm厚的虾胶，弹牙冇多余添加。炸得金黄松脆唔会界口，坊间有啲虾多士整到海鲜卷咁，食到谷鬼气！呢
读书就开始食的小店，其实老板话佢都唔想咁多人知呢间铺，因为得佢一对手，太多人佢都应付唔到。但有时又真系少人到一日得一千蚊生意，守业守得有啲辛苦。嚟得嘅基本都系熟客，呢到冇装修，冇景，唔浪漫，唯有足料的美食。
🍹冻柠多
次次嚟亲老板都叫我地饮冻柠多，因为出面系饮唔到。原支益力多加青柠，配上整支泰象梳打，清新解渴。老板仲建议我地加啲Gin落去变Cocktail(免费，自己钟意就落），青柠香气一下变得好突出，外面真系饮唔到。
🍲冬荫功（细）
两个人分到两细碗，其实老板系咁劝我地唔好饮啦，因为冬荫公到到都系差唔多，佢想我地食多啲佢独有的菜式，不过因为我真系好钟意饮冬荫功，所以系都要叫。味道比我想像中淡，传统冬荫功其实会偏咸偏浓，因为泰国人其实系拎嚟拌饭食。呢到调味较轻手，对我而言唔够重味。
🥗猪膶生菜包
餐牌写要预订，为食的关系都胆粗粗问老板有冇得食啦！点知真系有！呢到嘅生菜包一向都好出色，调味好到位，系我食过最好食的生菜包。猪膶生菜包系大量猪膶配上少量肉碎炒成，味道咸、甜、酸，好开胃。
🍤虾多士
呢啲先系虾多士！成cm厚的虾胶，弹牙冇多余添加。炸得金黄松脆唔会界口，坊间有啲虾多士整到海鲜卷咁，食到谷鬼气！呢啲先系虾多士呀大佬！
其实另外仲食左猪颈肉同芝士蛋糕，不过New York Club是一间令人好易唔记得要相机食先的店，今次已经影多左。
老板，你啲嘢真系好好食，我希望再下一个十年，你都可以继续煮。
张贴
