影片
更多
2023-12-25
268 浏览
琴晚12月24号，去咗呢间喺新蒲岗嘅西餐厅食饭。搬去男朋友同埋我都唔系话特别有咩期望，只系想揾间西餐厅锯扒。见到餐厅内嘅装修同埋灯光，感觉上觉得应该系一间已经喺度好几年嘅餐厅。有几台客人食紧饭，亦都有啲人系预订左，似乎系街坊之间会帮衬嘅地方。琴晚嘅前菜系风干火腿沙律，出奇地沙律上面嘅汁都几好食，男朋友话有啲似板烧鸡腿包个酱汁，播首觉得唔似，不过系几好食。至于汤，可以选择南瓜带子忌廉汤，或者蟹肉龙虾汤。我哋两个都嗌咗，男朋友𠮶个好清甜，好有南瓜味，我超钟意！而我𠮶个龙虾汤就超有龙虾味，值得一赞嘅系个蟹肉真系一啲都冇悭到，每一啖龙虾汤都系有蟹肉。呢个价钱嚟讲都真系有啲意想不到。主菜男朋友要咗份牛扒，而我就要咗一份羊架。正常呢个价钱我本来都系预期得两旧羊，但系竟然有三旧。男朋友𠮶份牛扒好大份，佢话觉得都几抵食。而我就因为本身有啲唔舒服，食咗一嚿之后我就拎走咗另外两嚿返屋企食。返到屋企肚饿嘅时候，整返热嚟食，反而佢其实真系超级好食，不单止个肉好林，而且调味亦都几好，超钟意个薯蓉好香好滑。甜品我最后冇食到，因为𠮶阵有啲唔舒服，不过男朋友就同我讲话本身想食埋我𠮶份，因为佢觉得个荔枝味雪糕超好食。总
搬去男朋友同埋我都唔系话特别有咩期望，只系想揾间西餐厅锯扒。见到餐厅内嘅装修同埋灯光，感觉上觉得应该系一间已经喺度好几年嘅餐厅。有几台客人食紧饭，亦都有啲人系预订左，似乎系街坊之间会帮衬嘅地方。
琴晚嘅前菜系风干火腿沙律，出奇地沙律上面嘅汁都几好食，男朋友话有啲似板烧鸡腿包个酱汁，播首觉得唔似，不过系几好食。
至于汤，可以选择南瓜带子忌廉汤，或者蟹肉龙虾汤。我哋两个都嗌咗，男朋友𠮶个好清甜，好有南瓜味，我超钟意！而我𠮶个龙虾汤就超有龙虾味，值得一赞嘅系个蟹肉真系一啲都冇悭到，每一啖龙虾汤都系有蟹肉。呢个价钱嚟讲都真系有啲意想不到。
主菜男朋友要咗份牛扒，而我就要咗一份羊架。正常呢个价钱我本来都系预期得两旧羊，但系竟然有三旧。男朋友𠮶份牛扒好大份，佢话觉得都几抵食。而我就因为本身有啲唔舒服，食咗一嚿之后我就拎走咗另外两嚿返屋企食。返到屋企肚饿嘅时候，整返热嚟食，反而佢其实真系超级好食，不单止个肉好林，而且调味亦都几好，超钟意个薯蓉好香好滑。
甜品我最后冇食到，因为𠮶阵有啲唔舒服，不过男朋友就同我讲话本身想食埋我𠮶份，因为佢觉得个荔枝味雪糕超好食。
总括来讲，呢个价钱嘅圣诞大餐都几不错，最重要系呢间餐厅应该已经屹立新蒲岗一段时间，觉得个价钱同埋食物质素真系比起外面好多餐厅都要好好多。事后男朋友话觉得间餐厅都几好，谂住上嚟OpenRice睇吓个评价，我哋发现好多人都话呢度嘅服务态度唔好。但事实系楼面个位戴帽嘅伙计，唔知道系唔系老板，不过佢超级友善同埋好贴心，基本上系有留意住客人嘅需要预备嘢客人；例如男朋友到时想揾啲黑椒调味，佢留意到男朋友喺度揾嘅时候就马上拎过嚟，真心觉得服务态度系100分，而且觉得系一间好有心嘅餐厅。
希望下次有机会嚟到新蒲岗可以再试多次！
张贴