大將 (已結業)

一人一锅日式火锅，随时随地满足到钟意食火锅放题嘅我。有三款不同牛肉及价钱嘅放题任君选择，点了澳洲和牛小排放题$(368)，另外每人送一客头盘： 鲍鱼、广岛蚝各2只及牛舌及牛胸腹。一人一火锅，仲可以自选汤底，除咗多款免费汤底，有期间限定嘅特别汤底，加$就可以享用到，个人就比较喜欢昆布汤底，清甜得嚟，仲可以食到材料嘅原汁原味。除咗澳洲和牛小排可以任食之外，仲可以有其他肉类同海鲜，澳洲和牛小排肉质软滑，油脂肥美，另外极推安格斯牛小排、牛胸爽，虽然肉质没有澳洲和牛软滑，但牛肉味超浓郁。另外，海鲜类都好多选择，极推虾滑、沙白及杭州黑鱼片。虾滑超级爽口弹牙，而且仲会食到虾肉嘅颗粒，沙白好鲜甜，只系略嫌唔够大只，黑鱼片无骨啖啖肉，好鲜嫩肥美。蔬菜、丸类、熟食区、饮品及甜品区都系任饮任食，最惊喜仲可以自制格仔饼，蛋浆已准备好，倒入格仔饼模按指示加热即可，格仔饼最终成品口感丰富而且脆卜卜，加啲雪糕搞掂。