道北工房 (已搬遷) 新店位置

经常都见我老友上戴大量美食照片，问佢边道有得食，佢话「道北工房」㖞！听都未听过！原来系新开业嘅fusion餐厅！见最近自己又忙又攰，不如约埋三数好友聚一聚之余再食餐好嘅。餐厅地点同环境都唔错，重有少少私房菜嘅感觉，都几private㗎。我老友系老马识途，所以落单上菜次序一切都由佢拍板。头盆系分别24、48个月嘅Iberico cebo同cecina de buey，我就钟情后者，甘香！coffin bay、gillardeau都好基本，papin poget口感同味觉就给我一流嘅享受，顺滑带少许海水味。cherry stone大只得嚟又无渣；4L鲜带子分开几小份，细细品尝，有初恋甜嘅感觉！至于马粪海胆、赤贝、牡丹虾就唔特别讲啦！主食系纽西兰篮壳鲍鱼，弹牙得嚟又唔烟靭！白酒煑mussel配garlic bread一绝！烤iberico de bellota，皮脆肉嫩！但青苹果伴酱就有少少苦味，我自己就选cranberry sauce，一般得嚟胜在稳阵。7道头盆、3道主食再加白红甜餐酒同ginger雪糕，我想好快又再去多一次！friends，你话系吗？