Amber Coffee Brewery (已結業)

呢间舖头其实都开咗一排,见佢中午成日有人排队,对我呢种贫民嚟讲,梗系应该要等到过时过节先至入去买杯咖啡叹个早餐啦.今日适逢绝好心情,又见冇人排队,就冲入去买番个靓早餐.最钟意食牛角包,佢个酥皮真系好松化,但亦都可以话系松化得济,每咬一啖,都有相同分量嘅酥皮跌出来.当然,我只可以怪自己口疏. 因为系买外卖喺公司食嘅关系,今次真系对唔住打扫嘅姐姐喇.牛角包里面嘅芝士非常浓味,好似两块芝士嘅味道浓缩埋一块咁样,但系就因为佢咁浓味,令到我差唔多食唔出块火腿嘅味道. 虽然我有专登拎起块肉咬咗啖,但因为已经沾满咗浓郁嘅芝士,喺office又冇理由擦走啲汁,所以始终都食唔到块火腿嘅原味.依家食落只系一块有浓郁芝士味嘅肉,作用只系提供口感同埋满足感. 但系,整体上系非常好味嘅,而且芝士味盖过火腿都好正常啫.至于咖啡,因为某种不可抗力被强盗掠夺咗,冇得评价.