影片
更多
2023-09-23
27 浏览
话说久唔久都会行过希云街揾嘢食，因为𠮶度系黄店嘅集中地，基本上唔知想食乜行过去兜一兜就会有idea。内街位置，有一间粉红色嘅拉面店，近排用咗松弛熊做装修，全间舖头都比松弛熊包围，如果你系佢嘅fans就一定要来朝圣打卡。今日同同事想食拉面，所以lunch time就走咗入去。✨特制牛奶拉面识落有淡淡地嘅奶味，有啲似忌廉汤嘅味道。拉面软硬度适中，啱一啲钟意味道冇咁重嘅朋友仔，猪软骨炆得好淋，而豚肉叉烧仲好厚切添！✨特制沾面有几种酱汁可以拣，拣咗比较少见嘅酱油鱼介汤，师傅仲特登喺面加咗少少油，令到整个酱汁柔润咁多啲。食面嘅时候可以将个面放落啲汤度，一小撮一小撮咁放，感觉最好。配料方面，有几只松弛熊嘅鱼蛋，好睇之余亦都几好食嘅。✨炸鸡拼章鱼丸另外仲嗌咗个小食拼盘，有炸鸡同埋章鱼丸，另外仲有松弛熊饼干。炸鸡好松脆，而且份量都几多，而章鱼丸都系即刻整出嚟，够晒热辣辣。拼盘仲跟咗个好似士多啤梨嘅沙律汁，酸酸甜甜咁样几得意。✨士多啤梨梳打 百香果梳打 两杯嘢饮拣咗特饮，店员仲提水原来讲暗号棉花糖，仲会有两粒糖送嘅添。朋友系佢嘅fans，埋单嘅时候仲加钱换咗个松弛熊嘅环保购物袋！袋仔唔算细，仲可以折得埋
内街位置，有一间粉红色嘅拉面店，近排用咗松弛熊做装修，全间舖头都比松弛熊包围，如果你系佢嘅fans就一定要来朝圣打卡。
今日同同事想食拉面，所以lunch time就走咗入去。
✨特制牛奶拉面
识落有淡淡地嘅奶味，有啲似忌廉汤嘅味道。拉面软硬度适中，啱一啲钟意味道冇咁重嘅朋友仔，猪软骨炆得好淋，而豚肉叉烧仲好厚切添！
✨特制沾面
有几种酱汁可以拣，拣咗比较少见嘅酱油鱼介汤，师傅仲特登喺面加咗少少油，令到整个酱汁柔润咁多啲。食面嘅时候可以将个面放落啲汤度，一小撮一小撮咁放，感觉最好。
配料方面，有几只松弛熊嘅鱼蛋，好睇之余亦都几好食嘅。
✨炸鸡拼章鱼丸
另外仲嗌咗个小食拼盘，有炸鸡同埋章鱼丸，另外仲有松弛熊饼干。炸鸡好松脆，而且份量都几多，而章鱼丸都系即刻整出嚟，够晒热辣辣。
拼盘仲跟咗个好似士多啤梨嘅沙律汁，酸酸甜甜咁样几得意。
✨士多啤梨梳打 百香果梳打
两杯嘢饮拣咗特饮，店员仲提水原来讲暗号棉花糖，仲会有两粒糖送嘅添。
朋友系佢嘅fans，埋单嘅时候仲加钱换咗个松弛熊嘅环保购物袋！袋仔唔算细，仲可以折得埋，用料几硬净，放喺袋度啊去超市shopping都几好呀。
张贴
