船皇 (厚福街) (已結業)

好耐冇食过船面，今日lunch捉咗同事出嚟陪我食晏。但系呢度竟然有泰式车仔面拣，咁就梗系要试吓啦。我自己拣咗个三𩠌面，沙嗲汤底小辣。但系唔知点解我汤底劲淡，好少沙嗲汁。但系好彩加番晒啲船面嘅调味料之后就好饮好多。而三个𩠌分别叫咗鱿鱼须，五花肉同埋猪肉丸。鱿鱼须个份量都几多，唔会得一两条，但系猪肉丸就真系太林，冇乜味。同事就叫咗个牛船面，佢𠮶碗睇落嘅色水靓好多，入边有三款唔同嘅牛，分别有牛腩牛肉同埋牛丸，同样地佢𠮶啲牛丸都系冇乜味同埋太林。小食方面我哋加咗单骨鸡翼，对方鸡翼睇落去炸到好似好干，但系其实食落都几松脆嘅。另外我哋叫左个无骨凤爪，你个凤爪唔会太辣，啱啱好，几爽脆。嘢饮方便就梗系一定要嗌泰式奶茶啦，我叫咗少冰，佢自动帮我走埋冰，真系好体贴。