影片
更多
2017-10-19
3395 浏览
第一次去秀殿嘅时候同佢改咗个别号叫「歌连臣角」因为佢嘅抽烟做得好好。秀殿唔大，bar 枱大约坐到10-12个人，再加两张2-4人枱。无一般日本居酒屋嘅热闹，高谈阔论，唔太光嘅半醉黄灯气氛同一枱啤酒嘅豪爽。哩度嘅人客都比较斯文，讲嘢细细声，好似去咗5星级酒店𥚃面二千几三千一个落楼嘅日本 fine dining 咁。对于比较「地」同大情大性嘅我每次去到秀殿都会比较收敛。纵使哩度环境同我喜欢嘅有一段距离，我仍然系久不久就会去帮衬。每次都食得好开心，好回味。原因只得一个 - 好味道。秀殿有两个串扬师傅 - 忠师傅同 Suzuki-san。忠师傅嘅炸串炸粉好薄所以入口比较松脆而食物嘅水份保存得好好。但系一炸起就要快啲食，因为炸皮较薄加上食物本身嘅水份，摆耐咗会稔。Suzuki-san 做嘅串扬一样将水份保存得好好但系炸份比阿忠师傅做嘅厚，所以比较爽脆。无论系松脆定爽脆，两位师傅都将串扬嘅火喉控制得好好，令炸串好亁身，食多几转都唔会觉得油腻。秀殿串扬最特别嘅地方系佢每一串都会先落调味腌一下，再拍粉同面包糠。其他串掦店大部分都唔会腌就直接拍粉炸，然后俾一大兜汁客人食嘅时候点（顺便提一下大家，喺哩类串
秀殿唔大，bar 枱大约坐到10-12个人，再加两张2-4人枱。无一般日本居酒屋嘅热闹，高谈阔论，唔太光嘅半醉黄灯气氛同一枱啤酒嘅豪爽。哩度嘅人客都比较斯文，讲嘢细细声，好似去咗5星级酒店𥚃面二千几三千一个落楼嘅日本 fine dining 咁。对于比较「地」同大情大性嘅我每次去到秀殿都会比较收敛。
纵使哩度环境同我喜欢嘅有一段距离，我仍然系久不久就会去帮衬。每次都食得好开心，好回味。原因只得一个 - 好味道。
秀殿有两个串扬师傅 - 忠师傅同 Suzuki-san。忠师傅嘅炸串炸粉好薄所以入口比较松脆而食物嘅水份保存得好好。但系一炸起就要快啲食，因为炸皮较薄加上食物本身嘅水份，摆耐咗会稔。Suzuki-san 做嘅串扬一样将水份保存得好好但系炸份比阿忠师傅做嘅厚，所以比较爽脆。无论系松脆定爽脆，两位师傅都将串扬嘅火喉控制得好好，令炸串好亁身，食多几转都唔会觉得油腻。
秀殿串扬最特别嘅地方系佢每一串都会先落调味腌一下，再拍粉同面包糠。其他串掦店大部分都唔会腌就直接拍粉炸，然后俾一大兜汁客人食嘅时候点（顺便提一下大家，喺哩类串扬店食，你只系可以将你条炸串点/浸一次㗎咋！千其千其千其唔好食一啖再翻点，因为兜汁系循环再用㗎）。本人比较钟意秀殿嘅做法因为食到每一串嘅味道都唔同，唔会都浄系食到个汁嘅味。
秀殿嘅炸串中我推介嘅有蟹肉、大叶虾丶鱚鱼丶带子三文鱼籽丶鲱鱼䰵昆布丶火腿芝士。
大蟹脚，啖啖肉得嚟食到好鲜嘅蟹味。
大叶系䔝苏叶。䔝苏叶包住中 size 玻璃虾。
将鱚鱼卷住炸令鱼唔会太干，啱啱好。一啲都唔腥… 我谂因为腌时落咗胡椒粉。
炸带子仲好 juicy，三文鱼籽胀卜卜，再加上沙律酱简直极品。
鲱鱼籽昆布外面脆口，鲱鱼籽又好似爆炸糖咁喺口𥚃面霹雳啪喇！好味。
最后亦系我最钟意嘅火腿芝士。可惜我唔见咗相唔可以同大家分享。我尝试用文字介绍俾大家：大家有冇谂过有少少咸嘅火腿再加埋一片芝士，拍上面包糠后攞去炸会有几咁好味呢？咬落去嘅时候好松脆之后你会感受到里面嘅芝士已经溶咗，流紧出嚟之余仲包住块火腿。简单来讲，系无敌嘅组合。太好味喇！真系百吃不厌。
秀殿唔净系炸串做得出色，鸡翼同茶渍饭都好好味。
试谂谂食完10串八串炸串之后，再整个茶渍饭埋尾… 真系大满足呀！
炸串$30 至 $60 一串。如果饮埋清酒，每位大约$800至$900啦。唔饮酒嘅话，大约四丶五百一个人啦。
希望大家钟意我以上嘅介绍。如果有兴趣晚饭时段去秀殿嘅话，记住预先订枱啊。
张贴
