Bougel Cafe (已搬遷) 新店位置

Cafe就系屯市隔离嘅华都花园商场地下，都唔算太难揾到。正正系Aeon对面街。cafe门面虽然比较细，不过都五脏俱全。一入到cafe就会见到玻璃橱柜入面 有好多唔同嘅款式口味Pastry🤩 bagel 🥯, scone, muffins 等等🤤🥰 不过最想试都系好岀名嘅开心果New York Roll🤩 因为去嘅时间都唔算早，所以有啲款式都无，好幸运咁买到一个新鲜岀炉😋✨ New York Roll 开心果吉士味用80层牛角酥皮卷成嘅圆形蜗牛状嘅牛角包🐌🥐 口感超酥脆👍🏻 就算唔系新鲜岀炉即食，隔左一阵拎返屋企叮返热都仲系好酥脆。面包中间都几松软，每一啖都食到开心果味，唔太甜，岩岩好🥰 之后会想再试下其他口味👍🏻👍🏻✨ 伯爵茶合桃松饼伯爵茶茶味好香，食落唔太甜，口感松软，有啲粒粒合桃系中间☺️。不过对于热爱浓啲伯爵茶味嘅朋友仔黎讲，茶味应该就淡左啲啲。